काठमाडौं । ‘कलिङ साहित्यिक महोत्सव काठमाडौँ’ सुरु भएको छ । महोत्सव शनिबार बिहानबाट ललितपुरको हिमालय होटलमा सुरु भएको हो । आइतबार बेलुकासम्म चल्ने महोत्सवको शनिबार बिहान नेपाल प्रज्ञा प्रतिष्ठानका उपकुलपति डा. जगमान गुरुङ, भारतीय विष्ट कवि अशोक वाजपेयी, संस्कृतिविद् तुलसी दिवस, वरिष्ठ कथाकार माया ठकुरी लगायतले उद्घाटन गरेका थिए ।
उद्घाटनपछि महोत्सवमा दुईवटा छुट्टाछुट्टै हलमा शनिबार विभिन्न विषयमाथि १७ वटा सेसनहरु चलेको आयोजकले जनाएको छ । ती सेसनमा नेपाल र भातरका कवि, आख्यानकार, नाट्यकर्मी, चलचित्रकर्मी, लेखक, भाषाविद्, संस्कृतिविद्हरुले आआफ्नो विचारहरु व्यक्त गरेका थिए । महोत्सवमा आइतबार पनि बिहानबाट साँझसम्म विभिन्न विषयमा अन्तक्र्रिया तथा अन्य कार्यक्रमहरु सञ्चालन हुनेछन् । महोत्सवमा नेपाल र भारतका गरेर दुई सयभन्दा बढी वक्ताहरुले विभिन्न सेसनमा आफ्ना विचारहरु राखिरहेका छन् । महोत्सवमा अशोक वाजपेयी, सुधीर चन्द्र, मृदुला गर्ग, अरुण कमल, रञ्जित रे, आनन्द निलकण्ठसहित ७० जनाभन्दा बढी स्रष्टाहरु सहभागी छन् । उनीहरुले आफ्ना विद्वत्ता पनि अन्तर्क्रियामा प्रस्तुत गर्दै आएका छन् ।
कार्यक्रममा नेपाल प्रज्ञा प्रतिष्ठानका उपकुलपति डा. जगमान गुरुङले सभ्याताहरु लोप हुँदै गएकोमा चिन्ता व्यक्त गरे । एक समयका भारतको सरस्वती नदी सभ्याता लोप भएको उदाहरण दिँदै बागमती सभ्याता जोगाउन उनले आग्रह गरे । यस्तै संस्कृतिविद् तुलसी दिवसले नेपाल भारतको सम्बन्धमा यो महोत्सवले साहित्य, संस्कृति, र कलामार्फत नयाँ आयाम थप्ने बताए । महोत्सवले नेपाल र भारतका साहित्यकारलाई अझ नजिक ल्याई थप चिनाउने काम गरेको पनि उनले कार्यक्रममा बताए ।
भारतका वरिष्ठ कवि एवम् साहित्यकार अशोक वाजपेयीले हाम्रो साहित्यसँगै भाषा संस्कृति पश्चिमाबाट अतिक्रमण हुँदै आएको बताए । कवि वाजपेयीले साहित्यले समाजलाई धेरै कुरा सिकाउने भएकाले साहित्य सृजनामा निरन्तर लाग्न स्रष्टाहरुलाई अनुरोध गरे । उनले साहित्यलाई हरित रुपमा व्याख्या गर्दै यो साहित्यिक महोत्सवले साहित्यकारमा ऊर्जा थप्ने विश्वास लिएको बताए ।
महोत्सवका संस्थापक अध्यक्ष रश्मीरञ्जन परिताले भारतमा दशौँ संस्करण पूरा गरेपछि यसपटकबाट अन्तर्राष्ट्रिय रुपमा आयोजना गरेको हो । महोत्सव निर्देशक रञ्जना निरौलाले यस पटकबाट यो महोत्सव अन्तर्राष्ट्रिय रुपमा आयोजना भएको कार्यक्रममा बताइन् ।
क्याटेगोरी : कर्पोरेट-वाणिज्य-उद्योग
ताजा अपडेट
- पर्यटनमन्त्री पाण्डेद्वारा कांग्रेस अनुशासन समितिमा उजुरी
- दुई दलीय संयन्त्रबाट सरकार सञ्चालन गर्न सहज हुने छ : उपप्रधानमन्त्री सिंह
- नेपालबाट बङ्गलादेश विद्युत् निर्यात सुरु
- गरिमा विकास बैंक र नेपाल विद्युतीय व्यवसायी महासंघबीच सम्झौता
- इन्फोडेभलपर्स र साङ्ग्रिला डेभलपमेन्ट बैंकबीच सम्झौता
- प्राइम कमर्सियल बैंकको साधारणसभा आह्वान
- कृति भेञ्चर फन्डले आईपीओ जारी गर्ने
- सूर्यज्योति लाइफ इन्स्योरेन्सको नाफा ११ करोड ५३ लाख
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया