काठमाडौं । नाडा अटोमोबाइल्स एसोसिएसन अफ नेपालको संस्थागत सदस्यहरुले चालू पुँजी कर्जा मार्गदर्शन खारेज, मौद्रिक नीति परिमार्जनलगायतका माग राखी विभिन्न सहरहरुमा प्रदर्शन गरेका छन् । अटो व्यवसायीहरुले चितवन, हेटौंडा र धनुषामा विरोध प्रदर्शन गरेका हुन् ।
बागमती प्रदेशअन्तर्गत रहेका चितवन अटोमोबाइल्स एसोसिएसन र हेटौंडा अटोमोबाइल्स एसोसिएसनले चितवन र हेटौंडामा शान्तिपूर्ण विरोध कार्यक्रम गरेका थिए भने मधेश प्रदेशको संस्थागत सदस्य जानकी अटोमोबाइल्स एसोसिएसन अफ नेपालले धनुषाको ढल्केबरमा विरोध कार्यक्रम आयोजना गरेको थियो । नाडा अटोमोबाइल्स एसोसिएसन अफ नेपालले घोषणा गरेको देशव्यापी आन्दोलनअन्तर्गत ती एसोसिएसनहरुले विरोध प्रदर्शन गरेका हुन् । व्यवसायीहरुले सरकारविरुद्धका नारा लेखिएका प्लेकार्ड तथा ब्यानर बोकेर नारायणगढको लायन्स चोक, हेटौडाको बुद्धचोक र धनुषाको ढल्केवरको पूर्व–पश्चिम राजमार्गमा प्रदर्शन गरेका थिए । सरकारको पछिल्लो नीतिले अटोमोबाइल्स व्यवसाय धराशायी हुनपुगेको उनीहरुको आरोप छ ।
सो धर्ना कार्यक्रममा व्यवसायीहरुले चालू पुँजी कर्जा मार्गदर्शन खारेज, मौद्रिक नीति परिमार्जन, ब्याजदर नियन्त्रण, कोभिड तथा आयात प्रतिबन्धका कारण लामो समयदेखि थला परेको अटोमोबाइल व्यवसायको पुनरुत्थानका लागि कर्जामा पुनर्तालिकीकरण, ब्याजदरमा विशेष सहुलियतको व्यवस्था गरिनुपर्ने, अटो लोन फाइनान्सिङ सुविधामा लागेको ५० प्रतिशतको क्याप हटाउनुपर्ने, बैंकको ब्याजदर नियन्त्रण हुनुपर्ने लगायतका मागहरु राखेका थिए । उक्त प्रदर्शनी स्थलमा व्यवसायीहरुले ब्याजदर नियन्त्रण गर, शतप्रतिशत नगद मार्जिन व्यवस्था खारेज गर, चालू पुँजी कर्जा मार्गदर्शन स्थगन गर, मौद्रिक नीति परिमार्जन गर लगायतका नाराहरु लेखिएका प्लेकार्डहरु बोकेका थिए ।
क्याटेगोरी : कर्पोरेट-वाणिज्य-उद्योग
ताजा अपडेट
- बढ्यो व्यक्तिगत आवास कर्जा एक वर्षमा तीन खर्ब ९३ अर्ब रुपैयाँ कर्जा प्रवाह
- अर्थतन्त्रका सबल सूचकका जगमा कमजोर क्षेत्रहरू सुधार्न अर्थमन्त्रीको निर्देशन
- उद्योगमा काटिएको विद्युत् जोड्ने प्राधिकरण सञ्चालक समितिको निर्णय
- राष्ट्रपति पौडेलले गरे विश्व नेताहरूको उच्चस्तरीय सत्रलाई सम्बोधन
- दक्षिण कोरियाको लागि इ७ भिसा तत्काल लागू नगर्ने
- सिभिल सहकारीका सोह्र सय पीडितले सात अर्ब बचत मागे
- ट्रम्प अमेरिकाको राष्ट्रपति बन्दा जलवायु परिवर्तनको विषयमा कस्तो प्रभाव पर्ला ?
- बिटकोइनसँग जोडिएका सात रोचक र अपत्यारिला कुरा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया