काठमाडौं । अल्का अस्पतालले निःशुल्क स्वास्थ्यशिविर आयोजना गर्ने भएको छ । जावलाखेलमा रहेको अल्का अस्पतालले सोमबारदेखि शुक्रबारसम्म निःशुल्क स्वास्थ्यशिविर आयोजना गर्न लागिएको प्रशासन प्रमुख भगवान केसीले जानकारी दिए ।
अस्पताल परिसरमा हुने निःशुल्क स्वास्थ्यशिविरमा आईभीएफ, मधुमेह तथा न्युरो साइकियाट्रिक विशेषज्ञबाट स्वास्थ्य जाँच गरिने उनले बताए । शिविरमा स्वास्थ्य जाँच गरिएकाहरुलाई चिकित्सकको सिफारिसअनुसार निःशुल्क ल्याब जाँच र औषधि वितरण पनि गरिने अस्पतालले जनाएको छ । शिविरमा सहभागी इच्छुकलाई आईभीएफमा एक लाख छुटको व्यवस्था मिलाइएको छ ।
त्यस्तै एमआरआई र सिटी स्क्यान पनि निःशुल्क गरिने अस्पताल प्रशासनले जनाएको छ । शिविरमा सहभागीहरुले एक महिनासम्म फलो अप गर्दा पनि कुनै शुल्क लाग्नेछैन । अल्का अस्पतालले यसअघि लमजुङ्ग, मकवानपुर, काभ्रेलगायतका दर्जनौँ जिल्लाहरुमा निःशुल्क स्वास्थ्यशिविर आयोजना गरिसकेको छ । अल्का अस्पताल २०६२ फागुन ३ गतेदेखि सञ्चालनमा आएको हो ।
‘बिरामीहरुको उपचार राख्न हामी ख्याल गर्छौँ’ भन्ने स्लोगनसहित कुमार थापाले अल्का अस्पताल सञ्चालन गरेका हुन् । अल्का अस्पतालमा सय शय्या छ । अस्पतालले केही समयअघि अल्का आईभीएफ सेन्टर र डाइबेटिज सेन्टरको स्तरउन्नति गरेको थियो । अस्पतालले उपचारमा भित्रिएका नयाँ नयाँ प्रविधिहरु भित्र्याएर बिरामीहरुलाई सेवा दिँदै आइरहेको छ । अस्पतालमा सुविधासम्पन्न एनआईसीयू कक्ष रहेको छ ।
यसका साथै टेष्ट ट्युब बेबी सेवा, प्रसूति तथा महिला रोग सेवा, डाइबेटिज, बालरोग, मुटु रोग, तथा यसका सम्पुर्ण परीक्षण पनि अस्पतालमा हुँदै आएको छ । नशासम्बन्धी, बाथ रोगसम्बन्धी, यौन तथा छालारोगसम्बन्धी, ग्यास्ट्रोलोजी, रेडियोलोजी, आँखा, नाक, कान घाँटी, दाँत रोग, युरोलोजिष्ट, कलेजो रोग, एनेस्थेसियालगायतका विशेषज्ञहरुबाट अस्पतालले बिरामीहरुलाई सेवा दिने सेवामा पनि अल्का अगाडि छ ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया