काठमाडौं । भन्सार जाँचपासका लागि विभागले तोकेको सबै कागजातहरु पेश गर्दा पनि भन्सार जाँच पासमा कठिनाइ उत्पन्न भइरहेको अटोमोबाइल्स व्यवसायीहरुले गुनासो गरेका छन् ।
नाडा अटोमोबाइल्स एसोसिएसन अफ नेपालको एक प्रतिनिधिमण्डलले भन्सार विभागका महानिर्देशक चक्रबहादुर बुढासँग भेट गरी नेपालको भन्सार नाकाहरुमा जम्मा भएका सवारीसाधनहरुको भन्सार जाँच पासमा भइरहेको अवरोधबारे ध्यानाकर्षण गराएका हुन् । भेटमा नाडा पूर्वअध्यक्ष सुनिल खेतानले भन्सार जाँच पासमा देखिएका समस्या तत्काल समाधान गर्न आग्रह गरे । यस्तै नाडाका महासचिव सुरेन्द्रकुमार उप्रेतीले कोभिडको समयमा नियन्त्रणमा आएको अनधिकृत आयात अहिले निकै बढ्न थालेकोले यसको नियन्त्रणका लागि विभागले आवश्यक पहल गर्नुपर्ने भन्दै कम्प्युटर बिलिङलाई अनिवार्य गर्नुपर्नेमा जोड दिए ।
नाडाका उपाध्यक्ष राजनबाबु श्रेष्ठले सरकारले विभिन्न चरणमा ल्याएका नीतिहरुको कारण अटोमोबाइल व्यवसायीहरु धराशायी हुने अवस्थामा पुगेको बताए । बैंक लगायतका वित्तीय निकायहरुले लगाएको उच्च ब्याजदर, अटो लोन हायर पर्चेज कर्जामा जोखिम भार १५० प्रतिशतमा पु-याइएको, बैंकहरुबाट निजी सवारीसाधनको हायर पर्चेज लोन प्रवाह गर्ने प्रक्रियामा लोन टु भ्यालु रेसियोको सीमा ५० प्रतिशत पु-याइएको लगायतका कारणले बजारमा सवारीसाधनहरु बिक्री हुन नसकेकोले सवारीसाधन पैठारीकर्ताहरुले भन्सारमा आइपुगेका सवारीसाधनहरुको भन्सार जाँच पास गर्न नसकेको बताए । यस्तै श्रेष्ठले व्यावसायिक महत्वका सवारी तथा ढुवानीका साधनहरुको बिक्री समेत दुई तिहाइले घटेको जानकारी दिए ।
टु ह्विलर समितिका सभापति अभिक ज्योतिले सोही उच्च ब्याज दरका कारण मोटरसाइकलको आयातमा ५० प्रतिशतले कमी आएको बताए भने राजस्व समितिका सभापति आकाश गोल्छाले नेपालमा सवारी साधनको एसेम्बल प्लान्ट खोल्न फिजिबिलिटी नभएका सवारी साधन पैठारीकर्ताहरुले सवारीसाधनको एसेम्बल प्लाण्ट खोल्न फिजिबिलिटी भएका कम्पनीहरुसँग मिलेर आफ्नो ब्राण्डको एसेम्बल गर्न सकिने व्यवस्थाका लागि आवश्यक पहल गरिदिन आग्रह गरे ।
छलफलमा महानिर्देशक बुढाले सरकारलाई राजस्व संकलनको दबाब परिरहेको बताउँदै विभागले व्यवसायीहरुको मागलाई यथासम्भव सम्बोधन गर्ने आश्वासन दिए । यस्तै उनले नेपालका भन्सार नाकाहरुमा आइसकेका सवारीसाधनहरुको यथासम्भव भन्सार जाँच पासका लागि आग्रह समेत गरे । साथै नेपालका भन्सार नाकाहरुमा कुन–कुन ब्राण्डका के कति सवारीसाधनहरु छन्, त्यसको तथ्यांक समेत उपलब्ध गराइदिन उनले आग्रह गरेका थिए ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया