‘हवाइ दुर्घटनाले मुलुकको पर्यटन उद्योगमा प्रतिकूल प्रभाव’
आर्थिक दैनिक २०७९, माघ ३ १७:१८ 
काठमाडौं,नेपाल निर्माण व्यवसायी महासंघले राष्ट्रिय तथा अन्तर्राष्ट्रिय क्षेत्रलाई नै स्तब्ध बनाई ७२ जनाको ज्यान जाने गरी भएको यती एयरलाइन्सको विमान दुर्घटनाप्रति दुःख व्यक्त गरेको छ ।
‘आन्तरिक उडानतर्फ अहिलेसम्मकै यस ठूलो दुर्घटनाका कारण विभिन्न व्यावसायिक क्षेत्रमा स्थापित स्वेदशी तथा विदेशी व्यक्तित्वहरू समेत गुमाउनुपर्दा राष्ट्रिय तथा अन्तर्राष्ट्रिय व्यावसायिक क्षेत्र समेत अत्यन्त दुःखित भएको छ’, महासंघका महासचिव रोशन दाहालद्वारा सोमबार जारी शोक विज्ञप्तिमा भनिएको छ ।
राष्ट्रिय शोकको यस घडीमा महासंघले दुर्घटनामा परी असमायिक स्वर्गारोहण भएका यात्रु तथा चालकदलका सदस्यको आत्माको चिरशान्तिको कामना गर्दै दिवंगत सबैप्रति हार्दिक श्रद्धाञ्जलि व्यक्त गरी शोकाकूल परिवारजनमा हार्दिक समवेदना प्रकट गरेको छ ।यस्तै महासंघले दुर्घटनाले कोभिडपछि फस्टाउँदै गरेको मुलुकको पर्यटन उद्योगमा अत्यन्त प्रतिकूल प्रभाव पार्ने जनाएको छ ।
‘पछिल्ला केही वर्षहरूमा आन्तरिक उडानका क्रममा बेला बखत भइरहेका दुर्घटनाले कमजोर आर्थिक अवस्थाबीच पनि फस्टाउँदै गरेको मुलुकको पर्यटन उद्योगमा अत्यन्त प्रतिकूल प्रभाव परी देशको समग्र अर्थतन्त्रमा नै गम्भीर असर पर्ने निश्चित छ’, महासंघले भनेको छ । आन्तरिक उड्डयन क्षेत्रलाई भरपर्दो तथा सुरक्षित बनाई भविष्यमा यस किसिमका अत्यन्त त्रासद घटना दोहोरिन नदिन तत्काल सम्भव भएका सबै उपाय अपनाउन महासंघले सरकारसहित सम्बन्धित सबै पक्षसँग माग समेत गरेको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया