सोलुखुम्बु । वर्षौँदेखि उपयोगविहीन बनेको फाप्लु विमानस्थलको मुख्य प्रवेशद्वार प्रयोगमा ल्याउन स्थानीयले माग गरेका छन् । राज्यको करोडौँ लगानीमा निर्माण गरिएको प्रवेशद्वार वर्षौँदेखि उपयोगविहीन भइरहँदा हवाई यात्रु भने असहज तवरबाट साँगुरो मार्ग प्रयोग गर्न बाध्य भएको उनीहरूले जतिसक्दो छिटो प्रवेशद्वार सञ्चालनमा ल्याउन माग गरेका हुन् ।
सोलुखुम्बुको फाप्लु वातावरणमैत्री टोल सुधार समितिले प्रवेशद्वार उपयोगविहीन हुँदा नागरिकले सास्ती खेप्नुपरेको भन्दै नेपाल नागरिक उड्डयन प्राधिकरण फाप्लुलाई ध्यानार्कषण–पत्र समेत बुझाएको छ । मागको बेवास्ता गरेको खण्डमा नागरिक उड्डयन प्राधिकरणको कार्यालयमा तालाबन्दी गर्नेसम्मको चेतावनी दिइएको छ । समितिले नेपाल नागरिक उड्डयन प्राधिकरण, जिल्ला प्रशासन कार्यालय सोलुखुम्बु, सोलुदुधकुण्ड नगरपालिकालाई बोधार्थ दिई ध्यानाकर्षणपत्र बुझाएको हो । समितिका अध्यक्ष दोर्जी तामाङले पहिलो चरणको कार्यक्रमलाई बेवास्ता गरे थप सशक्त संघर्षको कार्यक्रम अघि बढाउने बताए ।
नेपाल नागरिक उड्डयन प्राधिकरणको आठ करोड ७८ लाख रूपैयाँ लागतमा २०७७ सालमा निर्माण भएको विमानस्थल प्रवेश गर्ने मुख्य गेट तथा मार्ग वर्षौँदेखि प्रयोगमा आउन सकेको छैन । विमानस्थल प्रवेश मार्ग प्रयोगमा आउन नसक्दा यात्रुहरू साँघुरो मार्ग प्रयोग गर्न बाध्य छन् । मार्ग सञ्चालन नहुँदा टावरका कर्मचारी, सुरक्षाकर्मीसहित यात्रुहरू पनि साँघुरो मार्गबाटै ओहोरदोहोर गर्ने गर्छन् । बिरामीलाई धावनमार्गसम्म लैजाँदा बाटो साँघुरो भएकाले स्टेचर नै छिराउन गाह्रो हुनेगरेको नागरिकको गुनासो छ ।
क्याटेगोरी : कर्पोरेट-वाणिज्य-उद्योग
ताजा अपडेट
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया