दोलखा, चैत ३
जेसीबीको आधिकारिक बिक्रेता एम डब्लु अर्थमुभर्सले दोलखाको चरीकोटमा नयाँ आउटलेट स्थापना गरेको छ । कम्पनीले शुक्रबार एक कार्यक्रमका बीच आफ्नो १६औँ शाखा दोलखामा विस्तार गरेको हो । जेसीबीका जिल्लास्थित ग्राहकहरुलाई अन्तर्राष्ट्रियस्तरको एफ्टर सेल्स र स्पेयरको सुविधाका लागि आउटलेट सञ्चालनमा ल्याएको कम्पनीले जनाएको छ । जेसीबीको १६औँ शाखाको उद्घाटन गर्दै वैतेश्वर गाउँपालिकाका अध्यक्ष छवि लामाले आगामी दिनमा जेसीबी कम्पनीका प्रयोगकर्ताहरुलाई निकै सहज हुने बताए ।
कम्पनीको सेवा सुविधालाई अझ धेरै प्रभाबकारी बनाउन आग्रह गर्दै अध्यक्ष लामाले ग्राहकमैत्री बनेर भरपर्दो सेवा प्रवाहाका लागि समेत आह्वान गरे । दोलखा र आसपासका क्षेत्रमा विकास निर्माणका कामले तीव्रता पाएसँगै व्यवसायीहरुलाई सहज र सुलभ सेवा गर्न चरीकोटमा आधिकारिक डिलर सञ्चालनमा ल्याइएको जि.डी. निर्माण सेवा एण्ड सप्लायर्सका प्रबन्धनिर्देशक गणेश बहादुर थापाले जानकारी दिए । जेसीबीले चरीकोटसहित नेपालका १६ वटा मुख्य सहरहरुमा आउटलेट सुरु गरिसकेको छ । आवश्यकताका आधारमा अन्य ठाउँहरुमा पनि क्रमशः आउटलेटहरु स्थापना गर्दै लैजाने जेसीबीका डिलर इन्चार्ज डिल्लीराम तिम्सिनाले जानकारी दिए ।
हाल जेसीबी कम्पनीका स्काभेटर, ब्याकहोलर, रोलर, कम्प्याक्टर र लोडअललगायतका उपकरणहरु बजारमा प्रयोग भइरहेको इन्चार्ज तिम्सिनाले जानकारी दिए । उनका अनुसार इन्धन कम खपत हुने मर्मत खर्च कम लाग्ने र भरपर्दो भएका कारण कम्पनीका उपकरणहरु लोकप्रिय रहेका छन् । पर्याप्त जनशक्ति र स्पेयर्सका कारण जेसीबीप्रतिको विश्वास बढ्दै गएको कम्पनीले जनाएको छ । जिल्लामा सञ्चालित विभिन्न जलविद्युत्, सडक, पुललगायतका ठूलो आयोजनामा सञ्चालनमा रहेको विभिन्न जेसीबी मेसिनको होम सर्भिसिङ, होम मर्मतको सुविधाको लागि आउटलेट खोलिएको जेसीबीका प्रतिनिधिहरुको भनाइ छ ।
क्याटेगोरी : कर्पोरेट-वाणिज्य-उद्योग
ताजा अपडेट
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया