महिन्द्रा केयर फेस्ट आइतबारदेखि

काठमाडौं । महिन्द्रा फोरह्विलरको नेपालका लागि एक मात्र अधिकृत बिक्रेता अग्नि ग्रुपको सहायक कम्पनी बालाजु अटो वर्कस प्रालिले महिन्द्रा केयर फेस्ट २०२३ आयोजना गर्ने भएको छ । कम्पनीले आगामी आइतबारदेखि शुक्रबारसम्म देशव्यापी महिन्द्रा केयर फेस्ट आयोजना गर्न लागेको हो ।

यस ४५–पोइन्ट चेकअप क्याम्पमा फ्रि लेबर चार्ज, फ्रि हेल्थ चेकअप, लुब्रिकेन्ट्समा १० प्रतिशत छुट र स्पेयर पार्ट्समा ५० प्रतिशतसम्म छुट तथा एक्सेसरिजमा २५ प्रतिशतसम्म छुटको लाभ लिन सकिनेछ । महिन्द्राका ग्राहकवर्गले नेपालभरि रहेका महिन्द्राका आधिकारिक सर्भिस सेन्टरमा गई यस केयर फेस्टमा सहभागी हुनसक्ने कम्पनीले जनाएको छ । महिन्द्राले आफ्ना सेवाग्राहीलाई थप सेवासुविधा प्रदान गर्ने उद्देश्यका साथ हरेक वर्ष केयर फेस्ट आयोजना गर्दै आइरहेको छ । यस वर्षको केयर फेस्टमा पनि अघिल्ला वर्षहरुझैँ ग्राहकहरुको उल्लासमय सहभागिता रहने कम्पनीको अपेक्षा छ ।

साथै ग्रुपको सहायक कम्पनी अग्नि आस्था प्रालिले यसै कियर फेस्टमा महिन्द्राका कुनै पनि गाडी खरिद तथा बिक्री वा एक्सचेन्ज गर्ने सुविधा पनि ल्याएको छ । यस्तै महिन्द्राका सर्टिफाइड युज्ड गाडी खरिद गर्नुपरेमा आकर्षक अफर पनि ल्याईएको छ । यो सेवा काठमाडौं, भैरहवा र इटहरीमा उपलब्ध रहेको कम्पनीले जनाएको छ । साथै, ग्राहकहरुले केयर फेस्टमा सर्भिस बुक गर्न टोल फ्रि नम्बरहरु १६६००–१००–२०० (नेपाल टेलिकम) र ९८०१५७१२१२ (एनसेल) मा सम्पर्क गर्न सक्नेछन् ।