लाइफबोई ‘द भ्वाइस किड्स नेपाल’को हाइजिन पार्टनर

काठमाडौं । लाइफबोईले सांगीतिक कार्यक्रम ‘द भ्वाइस किड्स नेपाल’ को दोस्रो सिजनसँग आफ्नो सहकार्यको घोषणा गरेको छ । लाइफबोईलाई शोको हाइजिन पार्टनरको रूपमा सहभागी सबै प्रतियोगी, निर्णायक र क्रू मेम्बरहरूको स्वास्थ्य सुरक्षा र स–कुशलतालाई प्रोत्साहन गर्ने जिम्मेवारी दिइएको छ ।

यसैक्रममा लाइफबोईले यस कार्यक्रमका दर्शकहरुलाई जीवनमा स्वच्छ र स्वस्थ्य बानीबारे सचेत गराउँदै यसको महत्वलाई स्थापित गर्ने लक्ष्य राखेको पनि जनाएको छ । द भ्वाइस किड्स नेपाल विश्वव्यापी गायन रियालिटी शो द भ्वाइस किड्सको नेपाली संस्करण हो । यस कार्यक्रमको पुनरावृत्तिका जजहरू मिलन नेवार, प्रविशा अधिकारी, सुशान्त केसी र प्रमोद खरेल रहेका छन् । कार्यक्रमको पहिलो एपिसोड यही फागुन २६ गते प्रसारण हुने बताइएको छ । साथै यो कार्यक्रम हप्ताको दुई दिन प्रत्येक शुक्रबार र शनिबार हिमालय टिभीमा रातिको ८ बजे प्रसारण हुनेछ ।

लाइफबोई एक विश्वव्यापी प्रसिद्ध साबुन ब्रान्ड हो, जुन मानिसहरूले सरसफाइ, स्वास्थ्य र हात धुनका लागि प्रयोग गर्दै आएका छन् । लाइफबोईको सुरु सन् १८९४ मा भएको थियो । उक्त समय विलियम लिभरले एक उत्पादन सिर्जना गरेर यसको सुरुवात गरेका थिए । जसले किफायती रूपमा हाइजिनिक आवश्यकताको पूर्ति गर्न मद्दत ग-यो । यसको हाइजिन प्रवर्द्धन गर्ने र रोगको फैलिनबाट रोक्ने प्रतिबद्धता आजसम्म विश्वमा प्रचलित छ । लाइफबोई अहिले संसारको सबैभन्दा लोकप्रिय साबुन ब्रान्ड हो, जसले मानिसहरूलाई सर–सफाइमा उत्प्रेरित र शिक्षित गर्नुका साथै साबुनले हात धुनेको फाइदाहरू प्रवर्द्धन गर्ने उद्देश्य राख्छ ।