बीरगञ्ज, चैत ७
छ महिनाअगाडि निर्माणकार्य सम्पन्न भएको फोहोर व्यवस्थापन केन्द्र (डम्पिङ साइट) प्रयोगविहीन भएको छ । एसियाली विकास बैंकको सहयोगमा मझौला सहर एकीकृत वातावरणीय सुधार आयोजनाअन्तर्गत सन् २०१६ अप्रिलमा सुरू भएको फोहर व्यवस्थापन केन्द्र (डम्पिङ साइट)को निर्माण चिनियाँ कम्पनी जेडईईसीले लिएको थियो । उक्त कम्पनीको नेपाल प्रतिनिधि पप्पु कन्स्ट्रक्सनका सञ्चालक सुमित रौनियारले डम्पिङ साइडको निर्माणकार्य छ महिनाअगाडि नै सकिएको जानकारी दिए ।
दुई वर्षमा निर्माणकार्य सम्पन्न हुनुपर्ने यो योजना डेढ वर्ष ढिलो भएको थियो । निर्माण सम्पन्न भए पनि प्रयोगमा भने अझै आउन सकेको छैन । फोहोर व्यवस्थापनको लागि मगाइएको तीनवटा सवारीसाधन भन्सारमा अड्किएको कारण प्रयोगमा नआएको बताइएको छ । करिब ४९ करोड रुपैयाँको लागतमा निर्माण भएको फोहोर व्यवस्थापन केन्द्रको लागि सात महिनाअगाडि तीनवटा यान्त्रिक उपकरण भारतबाट भित्र्याइएको थियो ।
रक्सौल कस्टमबाट सहज प्रवेश गरेको सो उपकरण नेपाल भन्सारले एजेन्टमार्फत नझिकाइएको भन्दै हालसम्म रोकिराखेको छ । भन्सार विभागबाट यसको छिनोफानो हुनपर्नेमा छ महिनासम्म टुङ्गो नलागेको छैन । फोहोर व्यवस्थापन केन्द्रको प्रयोगमा नआउँदा अहिले पनि वीरगञ्जबाट दैनिकरूपमा निस्किने फोहोर श्रीसिया खोलाको वरिपरि फाल्नेक्रम जारी छ । वीरगञ्ज महानगरबाट दैनिक ७० मेट्रिकटनको हाराहारीमा फोहोर संकलित हुन्छ । सो फोहोर ठाराब क्याम्पसको पछाडि र मितेरी पुलनजिक फालिँदै आएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया