६५ प्रतिशतसम्म छुटसहित बिजबजारको पहिलो ब्राण्ड विक सुरु

काठमाडौं । ई–कमर्स प्लेटफर्म बिजबजारले पहिलो ब्राण्ड विक योजना सुरु गरेको छ । नेपालका साना तथा मझौला उद्यमहरूलाई बढावा दिँदै नेपाली ट्रेडलाई डिजिटाइज गर्ने लक्ष्यका साथ ‘जे चाहिन्छ, त्यही पाइन्छ’ भन्ने नारासहित सञ्चालनमा रहेको बिजबजारले ‘सप स्मार्ट, सेभ बिग’ ट्यागलाइनसहित चैत ८ देखि ब्राण्ड विक सुरु गरेको हो ।

कम्पनीका अनुसार यो योजना चैत १४ सम्म मात्रै जारी रहनेछ । योजनाअन्तर्गत ग्राहकहरूले विभिन्न ब्रान्डहरूमा ६५ प्रतिशतसम्म छुट प्राप्त गर्न सक्नेछन् । वेला भिटा, गोल्डस्टार र माईपावरमा २० प्रतिशत, कोन्कामा ३३ प्रतिशत, रंगोलीमा ६५ प्रतिशत, नेपट्रेन्डर्स ईकमर्समा ४० प्रतिशत र मम लभमा ५० प्रतिशत छुट पाइने कम्पनीले जनाएको छ । ब्रान्ड विकका लागि कम्पनीद्वारा निर्धारित सेवा तथा शर्तहरू लागू हुने कम्पनीले जनाएको छ । साना तथा मझौला उद्योग व्यवसायहरूलाई डिजिटल माध्यमबाट बजारसँग जोडी डिजिटल माध्यमबाटै व्यवसायको अभिवृद्धि र सेवाग्राहीहरूको आवश्यकता पूर्ति गर्न यो योजना प्रभावकारी हुने विश्वास कम्पनीले लिएको छ । सेवाग्राहीहरूले गुगल प्ले स्टोर र एप स्टोरमा गएर तुरुन्तै र सजिलै बिजबजार अनलाइन सपिङ एप डाउनलोड गर्न सक्नेछन् ।