आईएमई पेमार्फत गोल्डस्टार शुजको खरिदमा १५ प्रतिशत छुट

काठमाडौं । आईएमई पेले नयाँ वर्ष २०८० को अवसरमा नयाँ अफर सार्वजनिक गरेको छ । कम्पनीले सोमबारदेखि वैशाख ५ गतेसम्म नौ दिनका लागि आईएमई पेमार्फत गोल्डस्टार शुजको खरिद गर्दा १५ प्रतिशत छुट पाइने अफर सार्वजनिक गरेको हो ।

यस अफरअन्तर्गत गोल्डस्टार शुजको आधिकारिक शोरुमहरुबाट कुनै पनि जुत्ता खरिदमा आईएमई पेमार्फत क्युआर स्क्यान गरी भुक्तानी गर्दा १५ प्रतिशत छुट पाइनेछ । नेपालको एक प्रमुख विद्युतीय भुक्तानी सेवा प्रदायक आईएमई पे र नेपाली जुत्ता उद्योगको लोकप्रिय उत्पादन गोल्डस्टार शुजले सेवाग्राहीमैत्री व्यापार प्रवद्र्धनात्मक गर्न सो सम्झौता गरेका हुन् ।