टेकस्टूडियोको उत्पादनमा ५० प्रतिशतसम्म छुट

काठमाडौं । नेपालमा स्मार्टवेयर र ग्याजेट एसेसरिजको अग्रणी प्रदायक कम्पनी टेकस्टुडियो प्रालिले आफ्नो नयाँ वर्ष अभियान सार्वजनिक गरेको छ । टेकस्टुडियोले मेगा डिल, न्यू इयर बड्स, साउन्ड्स लाइक न्यू इयर, फ्ल्यास सेल, ग्याजेट प्रोटेक्टरहरू, स्टे पावरप्याकसहित नयाँ वर्षको सक्रिय योजनाहरु सार्वजनिक गरेको छ ।

ईकमर्स साइट दराज मार्केटप्लेसमा मंगलबारदेखि आगामी वैशाख ९ गतेसम्म नयाँ वर्षको अफरहरु सञ्चालन हुने कम्पनीले जनाएको छ । कम्पनीले स्मार्टवाच, इयरबड, हब, झोलालगायतका उत्पादनहरूमा ५० प्रतिशतसम्मको छुट दिने भएको छ । साथै विभिन्न विशेष डिलहरू र बन्डल अफरहरू समेत छन् । यस्तै कम्पनीले अभियान अवधिभर सामाजिक सञ्जाल च्यानलहरूमा रोमाञ्चक प्रतियोगिताहरू र उपहारहरू पनि चलाउने बताएको छ । उक्त प्रतियोगिताहरूमा भाग लिएर ग्राहकले पुरस्कारहरू समेत जित्न सक्नेछन् । यस्तै दुई हजार रुपैयाँमाथिका सबै अर्डरमा निःशुल्क शिपिंग पनि प्रदान गरिनेछ ।