बज्र फिटनेसको सदस्य बन्न ५० प्रतिशत छुट

काठमाडौं । बज्र फिटनेस सेन्टरले नयाँ वर्ष २०८० को अवसरमा सदस्य बन्न चाहनेहरूका लागि अफर ल्याएको छ । कम्पनीका सञ्चालक रोजल शाहीका अनुसार बज्र फिटनेसले मासिक, त्रैमासिक, अर्धवार्षिक र वार्षिकरूपमा सदस्य बनाउँदै आएको छ ।

यसैअनुरूप नयाँ वर्षको अवसरमा ५० प्रतिशतसम्म छुट दिने रोजलले बताए । उनले भने, ‘अफर वैशाख महिनाभरका लागि हो । उक्त अवधिमा सदस्यता लिने जो–कोहीलाई ५० प्रतिशतसम्म छुट दिने घोषणा गरेका छौँ ।’ बिहान ६ बजेदेखि साँझ ८ बजेसम्म सञ्चालन हुने बज्र फिटनेसमा हाल दुई सयभन्दा बढी नियमित सदस्य रहेका छन् । बज्र फिटनेस सेन्टर काठमाडौंको मुटु मानिने कलमपोखरीस्थित सिटी सेन्टरको पाँचौँ तलामा छ ।

बज्र फिटेनेसलाई ‘सेलिब्रेटी हब’समेत भन्न थालिएको छ । उक्त फिटनेस सेन्टरमा नेपाली फिल्म क्षेत्रका अधिकांश सेलिब्रेटी भेटिन थालेका छन् । अभिनेत्री अर्थात् राप्रपा नेतृ रेखा थापा, अभिनेत्री पूजा शर्मा, सुषमा अधिकारी, अभिनेता सविन श्रेष्ठलगायत कलाकार बज्र फिटनेसमा आउने गरेको उनले बताए ।