नेपालमा पाँच हजारभन्दा बढी महिन्द्रा स्कर्पियो

काठमाडौं । महिन्द्रा स्कर्पियो पिकअप हालसम्म नेपालमा पाँच हजारभन्दा बढी बिक्री भइसकेको आधिकारिक बिक्रेता अग्नि इन्कर्पोरेटेड प्रालिले जनाएकोे छ । नेपालको जीवनशैली र भौगोलिक हिसाबले उत्तम मानिएको यो स्कर्पियो पिकअप विभिन्न भेरियन्ट र चार रंगमा उपलब्ध रहेको कम्पनीले जनाएको छ ।

सरकारी तथा गैर सरकारी क्षेत्रमा विश्वसनीय र भरपर्दो मानिएको यो पिकअप उपभोक्ताहरुमाझ पनि फोरह्विल्ड अफ रोड क्षमता, स्टाइलिस मोडल, उच्च स्तरको विशेषता, शक्तिशाली प्रदर्शन, अधिकतम सुरक्षा र प्रतिस्पर्धी मूल्यका कारण प्राथमिकतामा हुन सफल छ ।

कम्पनीले स्कर्पियोको लोकप्रियता नेपाली बजारमा मात्रै नभई ट्युनिसिया, दक्षिण अमेरिका, युरोप, अस्ट्रेलिया, एसिया र अफ्रिकाका धेरै मुलुकमा रहेको दाबी गरेको छ ।

स्कर्पियोको प्लेटफर्ममा बनेको महिन्द्रा पिकअपमा चार सिलिन्डरयुक्त २.२ लिटर टर्बो डिजेल एमहक इन्जिनले १४० एचपी पावर र ३२० एनएम टर्क छ । यसमा २१० एमएमको ग्राउण्ड क्लियरेन्स साथै फोरह्विल्डको मद्दतले नेपालको जुनसुकै बाटोमा सहजै यात्रा गर्न सकिने कम्पनीको दाबी छ ।

सुरक्षाका लागि यो पिकअपमा डूअल एयरब्याग, एबीएस, रिमोर्ट कन्ट्रोल सेन्ट्रल लकलगायत विशेषताहरु छन् । स्कर्पियो डबल क्याब पिकअप एस ६ र एस १० मा उपलब्ध छ । सुपथ मूल्यमा धेरै विशेषता र शक्तिशाली इन्जिन भएकाले नै बजारमा पाउने अरु पिकअपहरुभन्दा महिन्द्रा स्कर्पियो पिकअप उत्कृष्ट र आरामदायी रहेको कम्पनीको दाबी छ ।