उद्योग संगठन मोरङको अध्यक्षमा सुराना

विराटनगर । उद्योगी तथा व्यवसायीहरुको छाता संगठन उद्योग संगठन मोरङको ५०औँ वार्षिक साधारणसभाबाट आगामी दुई वर्षका लागि १४ सदस्यीय कार्यसमिति निर्विरोध निर्वाचित भएको छ ।

संगठनका अनुसार अध्यक्ष पदमा राकेश सुराना, वरिष्ठ उपाध्यक्षमा नन्दकिशोर राठी, उपाध्यक्ष (वित्तीय क्षेत्र)मा राजकुमार गोल्छा, उपाध्यक्ष (कृषि/ऊर्जा/जलस्रोत)मा भोलेश्वर दुलाल र उपाध्यक्ष (रोजगारदाता)मा विपिन कावरा र कोषाध्यक्ष पदमा सुवोध कोइराला निर्विरोध निर्वाचित भएका हुुन् । त्यसैगरी कार्यसमिति सदस्यहरुमा सन्तोष कुमार भगत, इन्द्र खत्री (राजन), सौरभ सारडा, सुरेन्द्र कुमार गोल्छा, पारस लुनिया, सृजन प्याकुरेल, दीपककुमार अग्रवाल र वीरेन्द्र राठी निर्विरोध निर्वाचित भएका छन् ।