कोका–कोलाको ‘चिल एन्ड विन’ क्याम्पेन

काठमाडौं । कोकाकोलाले यस वर्षको सबैभन्दा ठूलो प्रमोसनल क्याम्पेन ‘चिल एन्ड विन’ सञ्चालनमा ल्याएको छ । यो क्याम्पेनले उपभोक्ताहरूलाई स्मार्टफोन र मोबाइल रिचार्जजस्ता उत्कृष्ट उपहारहरू जित्ने अवसर प्रदान गरेको कम्पनीले जनाएको छ ।

कम्पनीका अनुसार यो क्याम्पेन कोकाकोला नेपालको अहिलेसम्मकै सबैभन्दा ठूलो प्रमोसनल क्याम्पेन पनि हो । यसका अफरहरू स्प्राइट र फ्यान्टाको पेट बोतलहरूमा पनि उपलब्ध रहेको छ । कम्पनीका अनुसार यस क्याम्पेनअन्तर्गत बोतहरूको लेभलपछाडि राखिएको युनिक कोडका आधारमा ग्राहकहरूले उपहार जित्ने मौका पाउनेछन् । युनिक कोडका लागि विशेषरूपमा चिह्न लगाइएको पेट बोतलहरूको लेबलमा वा आरजीबी बोतलहरूको क्राउन मुनि चेक गर्नुपर्ने कम्पनीले जनाएको छ । क्याम्पेनको वेबसाइटमा कोड राखेर वा एसएमएसमार्फत कोड पठाएर प्रत्येक दिन एक स्मार्टफोन जित्ने मौका पाइनेछ । सहभागीहरूले पाँच सय रुपैयाँसम्मको मोबाइल रिचार्ज पनि जित्न सक्नेछन् । यो अफर नेपालभर कोकाकोला, स्प्राइट र फ्यान्टाको १७५ मिलि तथा २५० मिलिको सिसाको बोतल र २५० मिलि तथा ५०० मिलि पेट बोतलमा लागु हुने कम्पनीले जनाएको छ ।

उपभोक्ताहरूलाई आफ्नो पुरस्कार दाबी गर्न सजिलो होस् भन्ने हेतुले कोकाकोलाले यो वर्ष डिजिटल पेमेन्ट पार्टनरको रूपमा खल्तीसँग सहकार्य गरेको छ । जसले गर्दा विजेताहरूले तुरुन्तै आफूले जितेको रकम प्रयोग गर्न पाउने जनाइएको छ । ‘चिल एन्ड विन’ क्याम्पेन जेठ ६ गतेदेखि सुरु भएका र असार ३० गतेसम्म लागु हुने कम्पनीले जनाएको छ ।