बि–पर्की गार्डेन बुटिक रेस्टुरेन्टको औपचारिक सेवा सुरु

ललितपुर । ललितपुरको कुपण्डोलमा रहेको बि–पर्की गार्डेन बुटिक रेस्टुरेन्टले औपचारिक सेवा शुभारम्भ गरेको छ । नेपाली युवा पुस्तामाझ चर्चित गायिका प्रीति कौरसमेतको लगानी रहेको उक्त रेस्टुरेन्टले बिहीबार साँझ भव्य कार्यक्रम गरी औपचारिक सेवा शुभारम्म गरेको हो ।

शुभारम्म कार्यक्रममा नेपाली सांगीतिक क्षेत्रमा विशिष्ट व्यक्तिहरू, कलाकार, सञ्चारकर्मी, राजनीतिज्ञ एवं विभिन्न पेसा व्यवासीहरूको ठूलो संख्यामा उपस्थिति रहेको थियो । समुद्घाटनका अवसरमा रेस्टुरेन्टमा उपलब्ध विभिन्न परिकारहरूमा १५ प्रतिशतसम्म छुट दिइएको थियो । विशेष गरी इन्डियन खानाहरूलाई विशेष प्राथामिकतामा राखिएको रेस्टुरेन्टमा सबै किसिमको स्वास्थवर्द्धक खानाका परिकारहरू उपलब्ध रहेको छ । सुन्दर बगैंचासहितको पर्याप्त क्षेत्रफल रहेको यो रेस्टुरेन्ट पूर्ण पारिवारिक, शान्त, सुन्दर र स्वास्थ्यवर्द्धक रहेको कौरले बताइन् । साथै, रेस्टुरेन्टले अनलाइन फुड डेलिभरीको लागि पठाओ फुडलाई जिम्मेवारी दिएको पनि कौरले जानकारी दिइन् ।

रेस्टुरेन्टको उद्घाटन समारोहलाई भव्य बनाउन विभिन्न म्युजिक व्यान्डहरूको लाइभ प्रस्तुति राखिएको थियो । सोही अवसरमा गायिका कौरले आफ्नो पछिल्लो म्युजिक भिडियो मन सार्वजनिक गरेकी छन् । उक्त गीतमा स्वर प्रीतिको रहेको छ भने कम्पोजिसन सुशान्त गौतमको रहेको छ ।