नयाँ अल्टिमा डाइनामाइट सार्वजनिक

काठमाडौं । अल्टिमा लाइफस्टाइलले आफ्नो स्पिकर वर्गअन्तर्गत नयाँ ‘अल्टिमा डाइनामाइट’ लिएर आएको छ । गाना सुन्ने सामान्य अनुभवलाई अझै परिस्कृत बनाउने परिकल्पनाका साथ अल्टिमाले नेपाली बजारमा सबै संगीतप्रेमीका लागि आफ्नो उच्च गुणस्तरको स्पिकर सार्वजनिक गरेको हो ।

हालै कम लागतको ब्लुटुथ कलिङ स्मार्टवाच ‘वाच म्याजिक’ले नेपालको ई–कमर्स लन्च इतिहासमा नयाँ कीर्तिमान कायम गर्न सफल भएको छ । नेपालको सबैभन्दा ठूलो ई–कमर्स प्लेटफर्म दराजबाट लन्च–डेमा मात्र २३० भन्दा बढी पिस वाच म्याजिक बिक्री गरेर स्मार्टवाचको बिक्रीमा नयाँ रेकर्ड कायम गरेको थियो । अल्टिमा डाइनामाइट स्पिकरले ११ घण्टासम्म राम्रो प्लेब्याक प्रदान गर्छ । साथै, यो सानो कम्प्याक्ट स्पिकरमा सबैभन्दा नयाँ–पुस्ताको ब्लुटुथ भी ५.० प्रविधि र एयुएक्स/माइक्रो एसडी कम्प्याटिबिलिटी प्रविधि जडित रहेको छ । यो स्पिकर असार ९ गतेदेखि सबै अनलाइन र अफलाइन माध्यमहरूमा उपलब्ध हुनेछ ।

यस्तै, अल्टिमाले नेपालको अग्रणी डिजिटल वालेट प्रदायक ‘खल्ती’सँग सबै अल्टिमा उत्पादनहरू बिक्री गर्नका लागि सहकार्य गरेको छ । अब ‘खल्ती बजार’बाट सबै अल्टिमाका उत्पादनहरू खरिद गर्न सकिन्छ । यस विशेष सहकार्यका लागि अल्टिमाले प्रि–बुकिङ अफर, उपहारलगायतका अन्य अफरहरू पनि सञ्चालन गरिरहेको छ । खल्तीका प्रयोगकर्ताले अब मात्र एक रुपैयाँमा अल्टिमा डाइनामाइटको प्रि–बुकिङ गर्न सक्नेछन् भने प्रि–बुकिङ गरेका सबै ग्राहकले मात्र एक हजार नौ सय ९९ रुपैयाँमा स्पिकर पाउनेछन् ।