महालक्ष्मी विकास बैंकद्वारा छात्रवृत्ति प्रदान

काठमाडौं । महालक्ष्मी विकास बैंकले छात्रवृत्तिबापतको रकम प्रदान गरेको छ । बैंकले कर्णाली प्रदेश पर्यटकीय तथा सांस्कृतिक संरक्षण केन्द्रलाई कालीकोट जिल्लाका पाँच विद्यार्थीहरूको प्लस टू वा डिप्लोमा अध्ययनमा सहयोग पु-याउनका लागि दुई लाख ६० हजार रुपैयाँ बराबरको छात्रवृति प्रदान गरेको हो ।

बैंकले कालीकोट जिल्लाका सरकारी विद्यालयबाट एसईई उत्तीर्ण गरी काठमाडौं वा अन्य जिल्लामा थप अध्ययन गर्न इच्छुक विपन्न तथा कमजोर आय भएकाहरूलाई छात्रवृत्ति प्रदान गरेको हो । यस्तो छात्रवृत्ति कक्षा ११ र सीटीईभीटीअन्तर्गत डिप्लोमा अध्ययन गरिरहेका विद्यार्थीलाई प्रदान गरिएको हो ।

बैंकको निक्षेप बजारीकरण तथा संस्थागत सम्पर्क विभागका प्रमुख बसन्त बक्सीले कर्णाली प्रदेश पर्यटकीय तथा सांस्कृतिक संरक्षण केन्द्रका अध्यक्ष टेकराज शाहीलाई चेक हस्तान्तरण गरेका हुन् । बैंकले वागिश्वरी मावि, भक्तपुरमा अध्ययनरत दत्त कठायत, लोयल्टी एकेडेमी, बुढानीलकण्ठमा अध्ययनरत ईश्वरी शाही, भैरव मावि, सुर्खेतमा अध्ययनरत भावना शाही, बे्रन ल्याण्ड एकेडेमी, बुढानीलकण्ठमा अध्ययनरत सृष्टि शाही र रिलायन्स इन्टरनेसनल एकेडेमी, चाबहिलमा अध्ययनरत सृष्टिकुमारी शाहीलाई जनही पचास हजार बराबरको छात्रवृत्ति उपलब्ध गराएकोे हो ।