समिट लघुवित्तको सेयर कारोबार रोक्का

काठमाडौं । समिट लघुवित्त वित्तीय संस्थाको सेयर कारोबार रोक्का भएको छ । नेपाल स्टक एक्सचेन्ज लिमिटेड (नेप्से) का अनुसार नेसनल माइक्रो फाइनान्स लघुवित्त वित्तीय संस्था लिमिटेड र समिट लघुवित्त वित्तीय संस्था लिमिटेड एक आपसमा गाभ्ने तथा गाभिने प्रयोजनको लागि नेपाल राष्ट्र बैंकले यही असार २२ गते अन्तिम स्वीकृति दिएको छ ।

स्वीकृतिबमोजिम यी दुई संस्थाले मर्जरमार्फत नेसनल लघुवित्त वित्तीय संस्था लिमिटेडको नाउँबाट यही असार ३० गतेबाट एकीकृत कारोबार सञ्चालन गर्ने तयारी गरेको छ ।