कुमारी बैंकद्वारा दुर्घटना बीमाको १० लाख भुक्तानी

काठमाडौं । कुमारी बैंकले दुर्घटना बीमाको १० लाख रुपैयाँ भुक्तानी गरेको छ । बैंकले परिवार सुरक्षा बचत खाता योजनाअन्तर्गत दुर्घटनामा परी ज्यान गुमाएका ग्राहकको परिवारलाई बीमा बापतको १० लाख रकम हस्तान्तरण गरेको हो । बेनी शाखामार्फत सो रकम हस्तान्तरण गरिएको बैंकले जानकारी दिएको छ ।

कुमारी परिवार सुरक्षा बचत खाताअन्तर्गतको बीमा सुविधामा खातावालसहित परिवारका चार जना सदस्यले २६ लाख रुपैयाँसम्मको बीमा सुविधा प्राप्त गर्न सक्ने बैंकले जनाएको छ । बैंकले यो बीमा सुविधा, सानिमा जीआईसी इन्स्योरेन्ससँगको सहकार्यमा गरेको हो । परिवार सुरक्षा बचत खाता योजनामा दुर्घटना बीमा, जीवन बीमा, चिकित्सा उपचार तथा अन्य गम्भीर रोगका बीमाहरू पर्दछन् । विगत चार वर्षदेखि ग्राहकको सुविधाका लागि परिवार सुरक्षा बचत खाता योजनामार्फत बीमालगायत अन्य सेवाहरू प्रदान गर्दै आएको बैंकले जनाएको छ ।