सिटिजन्स बैंकको सहयोग

काठमाडौं । सिटिजन्स बैंकले चितवनको गलेश्वर आश्रमलाई सहयोग गरेको छ । बैंकको नारायणगढ शाखाले संस्थागत सामाजिक उत्तरदायित्वअन्तर्गत तनहुँको देवघाटस्थित संस्कृत गुरुकुलमार्फत देशभरिका निःशुल्क संस्कृत शिक्षा प्रदान गर्दै आएको गलेश्वर आश्रमलाई पाँच लाख रुपैयाँ हस्तान्तरण गरेको हो ।

संस्कृत गुरुकुल भवन निर्माणका लागि यसअघि नै तीन लाख रकम प्रदान गरिएको बैंकले जनाएको छ । भवन निर्माणको प्रगति हेरेर अब थप दुई लाख रुपैयाँ लगानी गर्न लागिएको बैंकले जनाएको छ । गुरुकुल शिक्षामार्फत संस्कृतिको जगेर्नामा महत्वपूर्ण योगदान पु-याउँदै निःशुल्क संस्कृत शिक्षा प्रदान गर्दै आएकाले सो संस्थालाई सहयोग गरिएको बैंकले जनाएको छ ।

त्यस्तै, बैंकको सम्सी शाखाले श्री जनता माध्यमिक विद्यालय, सम्सी प्रवाह महोत्तरीका कक्षा एकका करिब १०० विद्यार्थीलाई झोला वितरण गरेको छ । विद्यालयमा अधिकांश विद्यार्थीहरू मुस्लिम र दलित समुदायका कमजोर आर्थिक अवस्था भएका छन् । यो सहयोगले उनीहरूको शैक्षिक कार्यमा सहयोग गने बताइएको छ ।

आगामी दिनमा पनि बैंकले संस्थागत सामाजिक उतरदायित्व कार्यक्रमअन्तर्गत सामाजिक, आर्थिक, सांस्कृतिक, शैक्षिक आदि क्षेत्रमा सकारात्मक परिवर्तन ल्याउनका निम्ति विभिन्न कार्यक्रम सञ्चालन गर्ने योजना रहेको बताएको छ । बैंकले देशैभरि फैलिएका आफ्ना एक सय ८८ वटा शाखा, एक सय ४५ वटा एटीएम तीनवटा विस्तारित काउन्टर र ९७ वटा शाखारहित बैंकिङ इकाइबाट १६ लाखभन्दा बढी ग्राहकलाई आधुनिक बैंकिङ सेवा प्रदान गर्दै आएको छ ।