कुमारी क्यापिटलको सीईओमा शर्मा

काठमाडौं । कुमारी क्यापिटल लिमिटेडको प्रमुख कार्यकारी अधिकृत (सीईओ)मा पुष्प शर्मा नियुक्त भएका छन् । असार ३१ गते बसेको सञ्चालक समितिको बैठकले कम्पनीको सीईओमा साउन एक गतेदेखि लागू हुने गरी शर्मालाई नियुक्त गरेको हो ।

यसअघि शर्माले कम्पनीमा कायम मुकायम प्रमुख कार्यकारी अधिकृतको जिम्मेवारी सम्हाल्दै आएका थिए । बंैकिङ तथा वित्तीय क्षेत्रमा १३ वर्षभन्दा बढीको कार्य अनुभव सँगालेका शर्मा स्रोत तथा साधनको उच्चतम परिचालन तथा व्यवस्थापन गर्न सक्ने एक कुशल नेतृत्वको रूपमा चिनिँदै आएका छन् । उनी कुमारी क्यापिटलमा आबद्ध हुनुपूर्व नेपाल एसबीआई मर्चेन्ट बैंकिङमा प्रमुख वित्त अधिकृत तथा निमित्त प्रमुख सञ्चालन अधिकृतको रूपमा नेपाल एसबीआई बैंकबाट काजमा रही कार्यरत रहेका थिए ।

नव–नियुक्त प्रमुख कार्यकारी अधिकृत शर्माको कुशल व्यवस्थापकीय क्षमताले आगामी दिनमा यस क्यापिटलको व्यवसाय विस्तार एवम् क्यापिटलबाट प्रदान गरिने सेवालाई सर्वोत्कृष्ट बनाउन उल्लेख्य योगदान हुने विश्वास क्यापिटलले लिएको छ । कुमारी बैंकको सहायक कम्पनीका रूपमा रहेको क्यापिटलको चुक्ता पुँजी ४० करोड रहेको छ ।