इ–सेवाबाट बीमा शुल्क नवीकरण गर्नेलाई ल्यापटप

काठमाडौं । भुक्तानी सेवा प्रदायक इ–सेवामार्फत बीमा शुल्क भुक्तानी तथा नवीकरण गर्दा आकर्षक पुरस्कार जित्न सकिने भएको छ । इ–सेवामार्फत बीमा शुल्क भुक्तानी तथा नवीकरण गर्दा भाग्यशाली एक जनाले डेलको ५३२ इन्चको ल्यापटप जित्न सक्ने अफर ल्याइएको कम्पनीले जनाएको छ । कम्पनीका अनुसार साउन २५ गतेसम्म सञ्चालन हुने यो अभियानमा हरेक दिन पाँच जना भाग्यशाली ग्राहकले पाँच सय रुपैयाँ बराबरको क्यासब्याक प्राप्त गर्न
सक्ने छन् ।

यो योजनामा सहभागी हुन कुनै पनि लाइफ इन्स्योरेन्सको प्रिमियम इ–सेवामार्फत भुक्तानी गरेको हुनुपर्ने जनाइएको छ भने भुक्तानी गर्ने व्यक्ति इ–सेवामा प्रमाणित भएको हुनुपर्नेछ । दैनिक उपहार विजेताको नाम हरेक हप्ता इ–सेवाको ब्लग र फेसबुक पेजमार्फत सार्वजनिक गरिने कम्पनीले जनाएको छ । अन्त्यमा ग्राण्ड पुरस्कार विजेता छनोट गरी ल्यापटप प्रदान गरिने छ । ग्राण्ड पुरस्कार विजेताको नाम इ–सेवाको फेसबुक पेजमार्फत प्रत्यक्ष प्रसारण गरी सार्वजनिक गरिने कम्पनीको भनाइ छ ।

हाल इ–सेवाको सेवा एन्ड्रोइड तथा आइओएस मोबाइलमार्फत ७५ लाख बढी ग्राहकले सेवा लिइरहेका छन् । यसैभरी देशभर रहेका दुई लाखभन्दा बढी एजेन्टमार्फत अप्रत्यक्षरूपमा करिब डेढ करोड जनसंख्याले सेवा लिइरहेका छन् । इ–सेवाबाट इन्स्योरेन्सको प्रिमियम भुक्तानी, मोबाइल, टेलिफोन, इन्टरनेट, बिजुली तथा खानेपानीको महसुल भुक्तानी, रिचार्ज, हवाईजहाज, बसको टिकट, स्कुल कलेजको शुल्क भुक्तानीलगायत सेवा तथा मर्चेन्टको भुक्तानी गर्न सकिने कम्पनीको भनाइ छ ।