मेरो माइक्रोफाइनान्सद्वारा बीमा रकम हस्तान्तरण

काठमाडौं । मेरो माइक्रोफाइनान्स लघुवित्त वित्तीय संस्था लिमिटेडले संस्थाका सदस्य लक्ष्मीदेवी सुनारलाई बीमा रकम हस्तान्तरण गरेको छ । संस्थाबाट पाँच लाख रुपैयाँ लघु उद्यम कर्जा लिएकी सदस्य लक्ष्मी सुनारका श्रीमान् भक्तबहादुर सुनारको मृत्यु दाबीबापत पाँच लाख रुपैयाँ हस्तान्तरण गरेको संस्थाले जनाएको छ । निजलाई सदस्य–अभिभावक कर्जा बीमाअन्तर्गत उक्त बीमा रकम रिलायबल लाइफ इन्स्योरेन्स कम्पनी लिमिटेडको सहकार्यमा हस्तान्तरण गरिएको दोधारा–चाँदनी, कञ्चनपुरका शाखा प्रबन्ध दिपेन्द्र बटालाले बताए ।

मेरो माइक्रोफानान्स लघुवित्त वित्तीय संस्था लिमिटेड अनुगमन कार्यालय कृष्णपुर, कञ्चनपुरका प्रमुख कृष्णप्रसाद उप्रेती र दोधारा–चाँदनी नगरपालिका ४ का वडाध्यक्ष भक्तबहादुर सुनारले लक्ष्मीदेवीलाई संयुक्तरूपमा उक्त बीमा रकम हस्तान्तरण गरेका थिए । सदस्य लक्ष्मीदेवी मेरो माइक्रोफाइनान्स लघुवित्त वित्तीय संस्थाको शाखा कार्यालय दोधारा–चाँदनी, कञ्चनपुरद्वारा प्रवर्द्धित लघुवित्त कार्यक्रममा आबद्ध रहेको संस्थाले जानकारी दिएको छ ।