प्राइम कमर्सियल बैंकको कामु सीईओमा मानन्धर

काठमाडौं । प्राइम कमर्सियल बैंकको कायममुकायम प्रमुख कार्यकारी अधिकृत (सीईओ)को पदमा सञ्जीव मानन्धर नियुक्त भएका छन् । बैंक सञ्चालक समितिको साउन १७ गते बुधबार बसेको बैठकले बैंकको कामु प्रमुख कार्यकारी अधिकृतमा मानन्धरलाई नियुक्त गरेको हो ।

बैंकको स्थापना कालदेखि नै प्रमुख कार्यकारी अधिकृतका रूपमा व्यवस्थापकीय नेतृत्वमा रहेका नारायणदास मानन्धरको कार्यकाल यही साउन १६ गते समाप्त भएकाले बैंकको साउन १७ गते बसेको सञ्चालक समितिको बैठकले कामु सीईओमा मानन्धरलाई नियुक्त गरेको बैंकले जनाएको छ ।

मानन्धरको बैंकिङ क्षेत्रमा २३ वर्षभन्दा लामो अनुभव छ । तत्कालीन नेपाल इन्भेस्टमेन्ट बैंकबाट बैंकिङ क्यारियर सुरु गरेका चार्टर्ड एकाउन्टेन्ट मानन्धरले राष्ट्रिय वाणिज्य बैंकको विदेशी व्यवस्थापनसँग आबद्ध रही कार्य गरिसकेका छन् । अवकाशप्राप्त नारायणदास मानन्धर विगत १६ वर्षदेखि बैंकमा प्रमुख कार्यकारी अधिकृत रहेका थिए । कार्यक्रममा संक्षिप्त मन्तव्य दिँदै अध्यक्ष राजेन्द्रदास श्रेष्ठले यस बैंकलाई नयाँ उचाइमा पु¥याउन नारायणदास मानन्धरको उल्लेख्य भूमिका रहेको धारणा राखे ।

क्याटेगोरी : बैंक बित्त बजार
ट्याग : #Page 6