एनआईबीएल सहभागिता फन्डद्वारा लाभांश घोषणा

काठमाडौं । एनआईबीएल सहभागिता फन्डले लाभांश घोषणा गरेको छ । एनआईबीएल म्युचुअल फन्डअन्तर्गत सञ्चालित खुलामुखी योजना एनआईबीएल सहभागिता फन्डले गत आर्थिक वर्षको नाफाबाट आफ्ना इकाइधनीलाई लाभांश वितरणको घोषणा गरेको हो ।

फन्डले इकाइधनीलाई आर्थिक वर्ष २०७९/८० को नाफाबाट करसहित चार प्रतिशतका दरले नगद लाभांश वितरण गर्ने भएको छ । सो प्रयोजनार्थ फन्डले साउन ११ गते नै इकाइधनी दर्ता किताब बन्द (बुक क्लोज) गरेको छ । सोही आधारमा उक्त मितिसम्म कायम रहेका इकाइधनीले मात्र प्रस्तावित लाभांश प्राप्त गर्न सक्नेछन् ।

यो एक खुलामुखी योजना भएकाले यस योजनाका इकाइधनीले आफूले प्राप्त गर्ने लाभांश रकम बराबरले हुन आउने रकम समायोजित मूल्यमा लाभांश पुनः लगानी योजनामार्फत उक्त रकमले हुन आउने थप इकाइहरू खरिद गर्न सक्ने समेत सुविधा रहेको फण्डले जानकारी दिएको छ । यो योजनामा सहभागी हुन आफ्नो नाम दर्ता गराइसकेको योग्य इकाइधनीको खातामा यथाशीघ्र इकाइहरू पठाइने योजना व्यवस्थापकले जानकारी दिएको छ ।