गभर्नरमाथि लघुवित्तपीडितको आक्रोश
काठमाडौं । लघुवित्तविरुद्धको संघर्ष समितिका व्यक्तिहरूले राष्ट्र बैंकका गभर्नर महाप्रसाद अधिकारी पीडकहरूको दलाल भएको आरोप लगाएका छन् । बिहीबार काठमाडौंमा पत्रकार सम्मेलन गरी उनीहरूले यस्तो आरोप लगाएका हुन् ।
संघर्ष समितिका अध्यक्ष मनिराम ज्ञवालीले राष्ट्र बैंकका प्रमुख अधिकारीहरूले नै लघुवित्तहरूसँग मिलेमतो गरेर लाखौँ पीडितलाई थप पीडा दिएको आरोप लगाएका छन् । सरकारसँग वार्ता भइरहँदा राष्ट्र बैंकले बेवास्ता गरेर झन् समस्या बल्झाएको र अब पनि गम्भीर नभए कडारूपमा उत्रने र त्यसको जिम्मा गभर्नर अधिकारीले लिनुपर्ने चेतावनी दिएका छन् ।
आफूहरूले मंसिरसम्म आन्दोलनलाई स्थगन गर्ने घोषणा गरेको र त्यो समयसम्म सरकार र सम्बन्धित निकायले पीडितहरूको समस्या समाधान गर्नुपर्ने ज्ञवालीले बताए । यो समयसम्म पनि समस्या हल नगरे थप आक्रामक भएर अगाडि बढ्ने उनले बताए । संघर्ष समितिका उपाध्यक्ष रमेश सुनारले सरकारसँग वार्ता गरेकै समयमा दुई जना पीडितले लघुवित्तको ज्यादतीको कारण पासो लगाएको बताए । उनले गभर्नरले वार्ता टोली समेत नबनाउँदा मान्छेको ज्यान गइरहेको बताए ।
अर्का उपाध्यक्ष मणिप्रसाद चौलागईँले राष्ट्र बैंकका अधिकारीहरूलाई सडकमा ल्याएर जनताले कारबाही गर्नुपर्ने बताए । अर्की उपाध्यक्ष धनकुमारी विकले नेपाल राष्ट्र बैंक नियामक निकाय नभएर गरिब र पीडितमारा बैंक भएको बताइन् । उनले मंसिरसम्म समस्या समाधान नभए कडा आन्दोलन गरेर सडकबाटै फैसला गर्ने चेतावनी समेत दिइन् । सचिव रमेश तामाङले झण्डै दुई वर्षसम्म आन्दोलन गर्दा पनि कानमा तेल हाल्ने सरकार र सरोकारवाला निकायले ठूलो मूल्य चुकाउनुपर्ने चेतावनी दिए ।
१८ महिनादेखि लघुवित्तपीडितको नाममा आन्दोलन गरेका उनीहरूले पीडितबाटै रकम उठाएर खर्च गर्दै आएका छन् । लघुवित्त संघर्ष समितिको नाममा अहिलेसम्म लघुवित्तपीडितबाट १८ लाख ३७ हजार दुई सय रूपैयाँ उठाएको र २२ लाख दुई हजार छ सय ६१ रूपैयाँ खर्च गरेको हिसाब समितिले सार्वजनिक गरेको छ ।
क्याटेगोरी : बैंक बित्त बजार
ट्याग : #Page 1
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया