कोष कर्मचारी संघमा नयाँ कार्यसमिति चयन

काठमाडौं । नागरिक लगानी कोषको नेपाल वित्तीय संस्था कर्मचारी संघमा नयाँ कार्यसमिति चयन भएको छ । राजधानीमा आयोजित तेस्रो केन्द्रीय अधिवेशनद्धारा नयाँ कार्यसमिति चयन गरिएको हो । कार्यसमितिको अध्यक्षमा अच्युतम पौडेल, उपाध्यक्षमा शान्ता ढुंगाना, महासचिवमा सूर्यप्रसाद दहाल, उप महासचिवमा अनिल बस्नेत र कोषाध्यक्ष्मा विमलेश यादव चयन भएका छन् ।

त्यसैगरी सदस्यहरूमा प्रदीप अधिकारी, सल्यान केसी, निशा खतिवडा, रविन बिक, प्रकाश गौतम रहेका छन् । महिला संयोजकमा मिनाक्षी पन्त र युवा संयोजकमा नरेन्द्र सुनार रहेका छन् । उक्त अधिवेशनको उद्घाटन समारोहमा नेपाली कांग्रेसका सह–महामन्त्री तथा सांसद बद्री पाण्डेले सम्बोधन गरेका थिए । त्यसैगरी, विशेष अतिथिको रूपमा नेपाल ट्रेड युनियन कंग्रेसका अध्यक्ष योगेन्द्र कुँवरले ट्रेड युनियनको भूमिकाका बारेमा धारणा राखेका थिए ।