मान्डु हाइड्रोपावरको आईपीओ खुला

काठमाडौं । माण्डु हाइड्रोपावर कम्पनीको साधारण सेयरको बिक्री खुला भएको छ । कम्पनीले आइतबारबाट प्रतिकित्ता एक सय रुपैयाँमा एक सय छ रुपैयाँ प्रिमियम थप गरी दुई सय छ रुपैयाँ अन्तिम मूल्यमा सर्वसाधारणका लागि ७९ हजार ३० कित्तासहित गरी कुल १३ लाख छ हजार तीन सय छ कित्ता साधारण सेयरको बिक्री प्रक्रिया सुरु गरेको हो ।

कम्पनीले जारी पुँजी एक अर्ब ३६ करोड ३६ लाख ३७ हजार रुपैयाँको दुई प्रतिशत अर्थात्् दुई लाख ७२ हजार सात सय ३० कित्ता सेयर प्रतिसेयर एक सय रुपैयाँ अंकित मूल्यमा एक सय छ रुपैयाँ प्रिमियम थप गरी प्रतिकित्ता दुई सय छ रुपैयाँमा आयोजना प्रभावित क्षेत्रका स्थानीयका लागि निष्काशन गरेको सेयरमा बाँडफाँट नभएको ७९ हजार ३० कित्ता समेत गरी कुल १३ लाख छ हजार तीन सय छ कित्ता सेयरको बिक्री प्रक्रिया सुरु गरेको हो । सेयर खरिदको लागि लगानीकर्ताले न्यूनतम १० देखि अधिकतम ५० हजार कित्तासम्मको लागि आवेदन दिन सक्ने छन् । सेयर निष्काशन तथा बिक्री प्रबन्धक प्रभु क्यापिटल लिमिटेड रहेको कम्पनीको साधारण सेयरको बिक्री कार्य छिटोमा यही भदौ १३ गते र ढिलोमा भदौ २४ गते बन्द हुने कम्पनीले जनाएको छ ।