गरिमा क्यापिटलले सेल्फी प्रतियोगिता आयोजना गर्ने

काठमाडौं । गरिमा क्यापिटल लिमिटेडले गरिमा क्यापिटल तीज सारीमा सेल्फी प्रतियोगिता गर्ने भएको छ । नेपाली महिलाको चार्ड हरितालिका तीजको उपलक्ष्यमा लिमिटेडले ‘गरिमा क्यापिटल तीज सारीमा सेल्फी प्रतियोगिता’ आयोजना गर्न लागेको जानकारी दिएको छ ।

तीज महोत्सव भव्यताका साथ मनाउने उद्देश्यले नेपाली दाजुभाइ तथा दिदीबहिनीका लागि भाद्र १७ गतेदेखि आश्विन पाँच गतेसम्मका लागि ‘गरिमा क्यापिटल तीज सारीमा सेल्फी प्रतियोगिता’ आयोजना गर्न लागेको कम्पनीको भनाइ छ । सेल्फी प्रतियोगितामा इच्छुक सम्पूर्ण व्यक्तिहरूले भाग लिन पाउने छन् भने सहभागीहरूले परम्परागत पोशाकमा लिएको आफ्नो फोटो गरिमा क्यापिटल लिमिटेडको आधिकारिक फेसबुक पेजमा पोस्ट गर्नुपर्ने बताइएको छ । अपलोड भएका फोटामध्ये उत्कृष्ट तीन सहभागीलाई प्रतियोगिताको विजेता घोषणा गरी निम्नानुसार नगद उपहार पहिलोलाई तीन हजार, दोस्रोलाई दुई हजार र तेस्रोलाई एक हजार रुपैयाँ प्रदान गरिने क्यापिटलको भनाइ छ ।