एनआईसी एसियाबाट फण्ड ट्रान्सफर गर्दा मोबाइल जित्ने अवसर

काठमाडौं । एनआईसी एसिया बैंकले कनेक्ट आईपीएससँँगको सहकार्यमा आफ्ना मोबाइल बैंकिङ ग्राहकका सुविधा दिने योजना ल्याएको छ । बैंकले फण्ड ट्रान्सफरमा हरेक हप्ता मोबाइल फोन हातमा अफर सार्वजनिक गरेको हो । सो अफरअन्तर्गत हरेक हप्ता एकजना भाग्यशाली मोबाइल बैकिङ ग्राहकले बैंकको मोबाइल बैकिङ एप प्रयोग गरी कनेक्ट आईपीएसमार्फत फण्ड ट्रान्सफर गर्दा एउटा थान स्मार्टफोन जित्न सक्ने बैंकले जनाएको हो ।

यही भदौ १७ गतेदेखि असोज २० गतेसम्म लागू हुने यो अफरअन्तर्गत एकजना ग्राहकलाई हप्ता सकिएपछि ‘लक्की ड्र’मार्फत विजेता घोषणा गरिने बताइएको छ । विजेताको जानकारी एनआईसी एसिया बैंकको आधिकारिक सामाजिक सञ्जालहरूमार्फत सार्वजनिक गरिने बैंकको भनाइ छ । फण्ड ट्रान्सफर गर्न आफ्नो मोबाइल बैंकिङ सेवा एपमा लग इन गरी मोबाइल स्क्रिनको तल्लो भागमा रहेको फण्ड ट्रान्सफर अप्सनमा क्लिक गरेर अदर बैंक युजिङ कनेक्ट आईपीएस छनौट गर्नुपर्ने बताइएको छ । यसरी फण्ड ट्रान्सफर गर्दा कनेक्ट आईपीएसमा छुट्टै दर्ता गर्न आवश्यक नपर्ने पनि बैंकले जनाएको छ । फण्ड ट्रान्सफर तथा विभिन्न भुक्तानीका निम्ति मोबाइल बैकिङको बढ्दो प्रयोग र लोकप्रियतालाई यस अफरले थप प्रवद्र्धन गर्ने विश्वास बैंकले लिएको छ । हाल २४ लाखभन्दा बढी मोबाइल बैंकिङ ग्राहकले मोबाइल बैंकिङ एप प्रयोग गरिहेको बैंकले जनाएको छ ।