एनआरएन इन्फ्रास्ट्रक्चरको प्रमुख कार्यकारीमा बस्याल

काठमाडौं । एनआरएन इन्फ्रास्ट्रक्चर एन्ड डेभलपमेन्ट लिमिटेडको प्रमुख कार्यकारी अधिकृतको पदमा हेमन्त बस्याल नियुक्त भएका छन् । कम्पनीको यही असोज दुई गते मंगलबार बसेको सञ्चालक समितिको एक सय २४ औँ बैठकले प्रमुख कार्यकारी अधिकृतको पदमा बस्याललाई नियुक्त गरेको जानकारी दिएको छ ।

नवनियुक्त प्रमुख कार्यकारी बस्यालको कार्यकाल यही असोज सात गतेदेखि सुरु भई आगामी चार वर्षसम्म कायम रहने कम्पनीले जानकारी दिएको छ । प्रमुख कार्यकारी नियुक्तिको बोधार्थको पत्र कम्पनीले नेपाल धितोपत्र बोर्ड, कम्पनी रजिस्ट्रडको कार्यालय, सीडीएस एण्ड क्लियरिङ लिमिटेड र सानिमा क्यापिटल लिमिटेडलाई उल्लेख गरेको छ ।