सानिमा बैंकको सेवा मूल्याङ्कन क्युआर कोडमार्फत

काठमाडौं । सानिमा बैंकको सेवा मूल्याङ्कन क्युआर कोडमार्फत हुने भएको छ । बैंकले आफ्ना ग्राहकले सम्पूर्ण कार्यालयहरूमार्फत बैंकको सेवासम्बन्धी आफ्नो अनुभव मूल्याङ्कन गर्न मिल्ने सुविधा ल्याएको हो । बैंकले ग्राहकको प्रतिक्रिया लिन र बैंकको सेवा मूल्याङ्कन गर्न यो सुविधा ल्याएको जानकारी दिएको छ ।

सानिमा बैंकका सेवाग्राहीले क्युआरमार्फत बैंकको सेवाको अनुभव मूल्याङ्कन गर्न तथा अनुभवको प्रतिक्रिया दिन सक्नेछन् । बैंकले आफ्नो सम्पूर्ण कार्यालयको काउन्टर र ग्राहक सेवा विभागमा क्युआर कोड उपलब्ध गराएको छ । क्युआर कोड स्क्यान गरी ग्राहकले बैंकमा आफनो अनुभव तत्कालै मूल्याङ्कन गर्न तथा अनुभवको प्रतिक्रिया दिन सक्ने बताइएको छ । बैंकले ग्राहक सेवालाई सुधार गर्दै जाने उद्देश्यले यो पहल गरेको विज्ञप्तिमा उल्लेख छ । बैंकको देशका सातै प्रदेशमा एक सय ३२ वटा शाखा कार्यालयहरू तथा एक सय २३ वटा एटीएमहरू सञ्चालनमा रहेका छन् ।