सिटिजन्स बैंक र सूर्या हेल्थ केयरबीच सम्झौता

काठमाडौं । सिटिजन्स बैंक र नयाँ बानेश्वरस्थित सूर्या हेल्थ केयरबीच सम्झौता भएको छ । बैंकका ग्राहकलाई विशेष छुट दिने विषयमा दुवै संस्थाले सम्झौता गरेका हुन् । सम्झौतापश्चात् सिटिजन्स बैंकका कार्डबाहक र मोबाइल बैंकिङ ग्राहकहरूले सूर्या हेल्थ केयरमा १५ प्रतिशतसम्मको आकर्षक छुट पाउनेछन् । यस किसिमको सहकार्यबाट बैंकका ग्राहकहरू लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित हुनेविश्वास बैंकले लिएको छ ।

बैंकले डिजिटल बैंकिङ माध्यमको प्रयोगलाई बढाउन र ग्राहकलाई डिजिटल माध्यमबाट भुक्तानीगर्न प्रोत्साहन गर्न समयसमयमा ग्राहकमैत्री सुविधा सञ्चालनमा ल्याउँदै आएको छ । डिजिटल कारोबार गर्दा पाइने छुट सम्बन्धी विस्तृत विवरणहरू सिटिजन्स बैंकको वेबसाइटबाट प्राप्त गर्न सकिने बैंकले जानकारी दिएको छ ।

बैंकले सबै क्षेत्रमा गरी एक सय ८८ वटा शाखा, एक सय ४८ वटा एटीएम तीनवटा विस्तारित काउन्टर र ९७ वटा शाखारहित बैंकिङ इकाइबाट १६ लाख ४८ हजार भन्दा बढी ग्राहकलाई आधुनिक बैंकिङ सेवाहरू प्रदान गर्दै आएको छ ।