सानिमा बैंकको मोबाइल बैंकिङमा क्यास ब्याक योजना

काठमाडौं । सानिमा बैंक र फोन पे प्रा.लि.को सहकार्यमा, सानिमा सजिलो ई–बैंकिङ सेवा प्रयोगकर्ताका लागि विशेष क्यास ब्याक योजना ल्याएको छ । यो योजना कातिक मसान्त २०८० सम्म लागु हुनेछ ।

यसअन्तर्गत पहिलो पटक सानिमा सजिलो ई–बैंकिङ सेवा प्रयोग गर्ने ग्राहकहरूलाई एयरलाइन्सको टिकट खरिदमा पाँच प्रतिशत वा अधिकतम दुई सय रुपैंयाँ, बिजुलीको बिल तिर्दा दुई प्रतिशत वा अधिकतम २५ रुपैयाँ र इन्टरनेटको बिल तिर्दा दुई प्रतिशत वा अधिकतम ५० रुपैयाँसम्मको क्यास ब्याकको व्यवस्था गरेको छ । मोबाइल बैंकिङ प्रयोग नगरेका ग्राहकलाई प्रोत्साहन गर्न बैंकले यो योजना ल्याएको हो । योजना अवधिभर सहभागी हुने ग्राहकहरुलाई ‘पहिलोलाई प्राथमिकता’को आधारमा क्यास ब्याक प्रदान गर्नेछ । बैंकले यसैगरी ग्राहकहरुलाई विभिन्न छुट तथा अफरहरू प्रदान गरी डिजिटल भुक्तानीको अधिकतम प्रयोग गर्न प्रोत्साहन गर्दै आएको छ । सानिमा बैंकको देशका सातै प्रदेशमा एक सय ३२ वटा शाखा कार्यालय तथा एक सय २३ वटा एटीएम सञ्चालनमा रहेका छन् ।