सन सेक्युरिटिज र इसेवाबीच सम्झौता

काठमाडौं । सन सेक्युरिटिज (ब्रोकर नं. ६४) र इसेवाबीच सम्झौता भएको छ । सम्झौताअनुसार उक्त कम्पनीमार्फत हुने सेयर खरिद–बिक्री सेटलमेन्टको भुक्तानी इसेवाबाट हुनेछ । यसबाहेक सन सेक्युरिटिजको मेरो सेयर र डिम्याट खाता नवीकरण शुल्क पनि इसेवाबाटै भुक्तानी गर्न सकिने भएको छ ।

सम्झौताले लगानीकर्ताहरूलाई सन सेक्युरिटिजबाट गरिने सेयर खरिद–बिक्रीको सेटलमेन्ट थप सहज हुने इसेवाले जानकारी दिएको छ । सम्झौतापत्रमा इसेवाबाट प्रबन्धक हेम घिमिरे र सन सेक्युरिटिजबाट कार्यकारी अध्यक्ष कृष्ण गिरी तथा ट्रेडिङ अफिसर विशाल रिजालले हस्ताक्षर गरेका छन् । इसेवाको सेवा हाल एन्ड्रोइड तथा आईओएस मोबाइलमार्फत् करिब ७५ लाख ग्राहकले सेवा लिईरहेका छन् । यसैगरी देशभर रहेका दुई लाखभन्दा बढी एजेन्टमार्फत अप्रत्यक्षरूपमा डेढ करोड भन्दा बढी जनसंख्याले सेवा लिइरहेको कम्पनीले जानकारी दिएको छ ।