भूकम्प प्रभावितलाई राष्ट्रिय वाणिज्य बैंकको एक करोड सहयोग

काठमाडौं । राष्ट्रिय वाणिज्य बैंक लिमिटेडले जाजरकोट केन्द्रविन्दु भई गएको भूकम्प प्रभावितको सहायताका लागि एक करोड रुपैयाँ आर्थिक सहयोग प्रदान गरेको छ । बैंक सञ्चालक समिति सदस्य दिलीपकुमार ढुङ्गानाले प्रधानमन्त्री पुष्पकमल दाहाल प्रचण्डलाई मङ्गलबार एक कार्यक्रमका बीच एक करोड रुपैयाँको चेक रकम हस्तान्तरण गरेका हुन् ।

बैंकले संस्थागत सामाजिक उत्तरदायित्वअन्तर्गत भूकम्प प्रभावितहरूको उद्धार र उपचारका लागि प्रधानमन्त्री दैवी प्रकोप उद्धार कोषको राष्ट्रिय वाणिज्य बैंकमा रहेको खातामा बैंकको तर्फबाट एक करोड रुपैयाँ मङ्गलबार ट्रान्सफर गरेको छ ।