नेपाल सुपर लिगको आधिकारिक टिकेटिङ पार्टनरमा आईएमई पे

काठमाडौं । डिजिटल वालेट आईएमई पे र नेपाल स्र्पोट्स एन्ड इभेन्ट म्यानेजमेन्ट (एनएसईएम)बीच रणनीतिक साझेदारी सम्झौता भएको छ । सो सम्झौताअन्तर्गत यही नोभेम्बर २४ देखि हुने नेपाल सुपर लिग २०२३ को लागि आधिकारिक टिकेटिङ पार्टनरको रूपमा आईएमई पे रहने भएको छ ।

नेपाल सुपर लिग नेपालको प्रमुख खेलहरूमध्ये एक हो जसमा बहुसंख्यक खेलप्रेमीहरूको चासो रहेको छ । जसमा डिजिटल भुक्तानी र टिकट सेवाहरूमा आईएमई पेको आबद्धताले फ्यानहरूलाई आगामी सिजनको टिकट खरिद गर्न सहज र झन्झटमुक्त बनाउने आईएमई पेको विश्वास रहेको छ । यस्तै, नेपाली फुटबल विकासका विभिन्न आयामहरूमा जोडिन पाउँदा गौरवान्वित रहेको आईएमई पेका प्रमुख कार्यकारी अधिकृत प्रवीण रेग्मीले बताए ।

नेपाल सुपर लिग २०२३ रोमाञ्चक फुटबल गतिविधि र मनोरञ्जनका साथ एक विद्युतीय सिजन हुने प्रतिज्ञा गरिएको छ । एनएसईएम र आइएमई पेबीचको यो साझेदारीले लिगको वृद्धि र पहुँचमा योगदान पु-याउने छ, जसले फ्यानहरूलाई आफ्नो मनपर्ने टोली र खेलाडीहरूलाई समर्थन गर्न सजिलो बनाउँछ ।