घलेम्दी हाइड्रोपावरको हकप्रद सेयर बिक्रीको आह्वान

काठमाडौं । घलेम्दी हाइड्रोपावर कम्पनीले हकप्रद सेयरको बिक्री आह्वान गरेको छ । कम्पनीले यही मंसिर १० गतेबाट एक सय रुपैयाँ अंकित मूल्य कायम रहने गरी एक अर्ब १० करोड रुपैयाँ बराबरको एक करोड १० लाख कित्ता हकप्रद सेयर बिक्रीको लागि आह्वान गरेको हो ।

कम्पनीका अनुसार हाल कायम रहेको चुक्ता पुँजी ५५ करोड रुपैयाँमध्येबाट एक बराबर दुईको अनुपातमा उक्त परिमाणमा हकप्रद सेयर बिक्रीको लागि आह्वान गरिएको हो । बिक्री प्रबन्धक मुक्तिनाथ क्यापिटल लिमिटेड रहेको कम्पनीको हकप्रद सेयरको बिक्री कार्य यही पुस एक गते बन्द हुनेछ ।