बीमालेख पुनर्जागरण गर्दा बक्यौता बीमा शुल्कमा शतप्रतिशत छुट

काठमाडौ । मेटलाइफ नेपालले बीमालेख पुनर्जागरण अभियान सञ्चालनको घोषणा गरेको छ । नोभेम्बर ७ मा सुरु भएको यो अभियानमा कम्पनीले व्यतित गरेको बीमालेखहरूमा लिइने विलम्ब शुल्कमा छुट दिने जानकारी दिएको छ । कम्पनीका अनुसार यो अभियानअन्तर्गत, मेटलाइफले बीमा अवधिको निर्धारित मिति समाप्त भएको व्यतित जीवन बीमालेखहरूमा लागू हुने विलम्ब शुल्कको १०० प्रतिशत छुट दिने भएको हो । हालै प्रचलनमा ल्याइएको मध्यावधि वृद्धि बीमा योजनाका बीमालेख धारकहरूका लागि भने यो अभियान लागू नहुने कम्पनीले स्पष्ट पारेको छ ।

मेटलाइफले कम्पनीको वेबसाइटमा पुनर्जागरण फारम उपलब्ध गराएर ग्राहकहरूलाई थप सहजता प्रदान गर्दै पुनर्जागरण प्रक्रियालाई सरल बनाएको छ । मेटलाइफ नेपालका उपाध्यक्ष तथा महाप्रबन्धक निर्मलकाजी श्रेष्ठ भन्छन्, ‘यस अभियानले मेटलाइफको ग्राहकलाई व्यतित बीमालेख पुनर्जागरण गरी आफ्नो र आफ्नो परिवारलाई निरन्तर सुरक्षा कायम राख्न मद्दत गर्नेछ ।