सिटिजन लाइफ इन्स्योरेन्सले जित्यो अवार्ड

काठमाडौं । सिटिजन लाइफ इन्स्योरेन्स कम्पनीले इण्डियन चेम्बर अफ कमर्सद्वारा आयोजित इमर्जिङ एसिया इन्स्योरेन्स अवार्डको चौथो संस्करणमा बेस्ट स्ट्र्याटेजिक फर इन्स्योरेन्स स्प्रेडिङ अवार्ड जितेको छ । नेतृत्वदायी भूमिका निर्वाह गर्दै बीमाको क्षेत्रमा विशेष योगदान पुर्याएका एसिया महादेशभित्रका इन्स्योरेन्स कम्पनीमध्येबाट उत्कृष्टहरूलाई इन्डियन चेम्बर अफ कमर्सले विगत ४ वर्षदेखि यो अवार्ड दिँदै आएको छ । मुम्बई, महाराष्ट्रमा आयोजित एक भव्य समारोहका बीच सिटिजन लाइफ इन्स्योरेन्सका प्रमुख कार्यकारी अधिकृत पोषकराज पौडेललाई उक्त अवार्ड प्रदान गरिएको हो । जीवन बीमा कम्पनीभरमा बीमासम्बन्धी सेवा विस्तार र बीमा सचेतना पु¥याउने कार्यमा सबैभन्दा उत्कृष्ट रणनीति अपनाएको कम्पनीको रूपमा सिटिजन लाइफ इन्स्योरेन्स कम्पनीलाई यो पुरस्कार प्रदान गरिएको हो ।

सात भाद्र २०७४ बाट नेपाल बीमा प्राधिकरणबाट सञ्चालनको अनुमति पाई २०७४ साल कार्तिक दुई गतेबाट सञ्चालनमा रहेकोे सिटिजन लाइफ इन्स्योरेन्स नेपालको फैलिँदो बीमा क्षेत्रकै उत्कृष्ट प्रतिनिधि बीमा कम्पनी हो । हाल, देशभरका एक सय ४१ शाखा, उपशाखाहरू र लगभग ६१ हजारभन्दा बढी अभिकर्ताहरूबाट सेवाग्राहीलाई आर्थिक सुरक्षा, लगानी तथा बचतको अवसर दिँदै गुणस्तरीय सेवा प्रवाहमा सिटिजन लाइफ इन्स्योरेन्स सधैँ तयार रहेको छ र आफ्ना ग्राहकको भविष्यमा आइपर्न सक्ने कुनै पनि आर्थिक जोखिमविरुद्ध आर्थिक र वित्तीय सुरक्षाको ग्यारेण्टी दिन सक्ने भरपर्दो र विश्वासिलो बीमा कम्पनीको परिचय बनाउन सफल भएको छ ।