आईसीएफसी फाइनान्सको लाभांश पारित

काठमाडौं । आईसीएफसी फाइनान्स लिमिटेडले २० औँ वार्षिक साधारणसभा सम्पन्न गरेको छ । फाइनान्सले आइतबार आम्रपाली ब्याङ्क्वेट, थिरबम सडक, भाटभटेनी, काठमाडौंमा वार्षिक साधारणसभा सम्पन्न गरेको हो ।

सभाबाट आर्थिक वर्ष २०७९/८० को मुनाफाबाट चुक्ता पुँजीको छ दशमलव पाँच प्रतिशत नगद लाभांश दिने प्रस्ताव सर्वसम्मतबाट पारित गरेको छ । वार्षिक साधारणसभाले आर्थिक वर्ष २०८०/८१ को लागि बाह्य लेखापरीक्षकमा एन अमात्य एण्ड कम्पनी चार्टर्ड एकाउन्टेन्टस्लाई नियुक्त गरेको छ । सर्वसाधारण समूहबाट सञ्चालक समितिमा प्रतिनिधित्व गर्ने सञ्चालक पदमा टंकराम गौतम, हेमशिखा जोशी गर्ग र सफल भट्टरार्ई आगामी चार वर्षको लागि निर्विरोध निर्वाचित भएका छन् । हाल चुक्ता पुँजी एक अर्ब १८ करोड ३४ लाख रहेको फाइनान्सले हालसम्म आफ्नो २१ वटा शाखा तथा एउटा एक्सटेन्सन काउन्टर र २१ वटा एटीएममार्फत एक लाखभन्दा बढी ग्राहकलाई अत्याधुनिक प्रविधिमार्फत बैकिङ सेवा दिँदै आएको छ ।