माछापुच्छ्रे बैंकद्वारा स्वीटर वितरण

काठमाडौं । माछापुच्छ्रे बैंक लिमिटेडले आफ्नो संस्थागत सामाजिक उत्तरदायित्वअन्तर्गत विभिन्न प्रदेशमा रहेका सरकारी विद्यालयमा अध्ययनरत विद्यार्थीहरूलाई न्यानो कपडा वितरण गरेको छ । बैंकले बढ्दै गइरहेका जाडो मौसमलाई मध्यनजर गरेर आर्थिक अवस्था कमजोर रहेका कोशी प्रदेशको उदयपुर जिल्लास्थित आधारभूत विद्यालय (ईसीडी–८) सिवाई बेल्हा त्यस्तै श्री माध्यमिक विद्यालय कालिखोलाका विद्यार्थहरूलाई विद्यालय पोशाकअनुसारको रङ्गको स्वीटरहरू वितरण गरेको हो ।

यसैगरी बैंकले मधेश प्रदेशको सिरहा जिल्लास्थित श्री जनता आधारभूत विद्यालय मिर्चैयामा अध्ययनरत विद्यार्थीहरूलाई पनि जाडोको न्यानो स्वीटर हस्तान्तरण गरेको छ । बैंकले विद्यालयहरूसँगको समन्वयमा ती विद्यालयहरूमा अध्यनरत विपन्न, गरिब तथा विपन्न बालबालिकाको स्वास्थ्यलाई मध्यनजर गर्दै तीन सय १० थान स्वीटर वितरण गरेको हो । बैंकले आफ्नो संस्थागत सामाजिक उत्तरदायित्वअन्र्तगत देशका सातै प्रदेशहरूमा विभिन्न कार्यक्रमहरू सञ्चालन गर्दै शिक्षा, स्वास्थ्य, दिगो विकासलगायतका अन्य कामहरूमा स्थानीय निकायहरूसँग सहकार्य आइरहेको छ ।

हरेक क्षेत्र र वर्गका ग्राहकलाई सरल र सहज बैंकिङ सेवा पुर्याउने उद्देश्यका साथ बैंकले देशका सात वटै प्रदेशमा एक सय ६५ शाखा, १२ एक्सटेन्सन काउन्टर, एक सय २७ शाखारहित बैंकिङ सेवा, दुई सय तीन वटा एटीएममार्फत १५ लाखभन्दा बढी ग्राहकहरूलाई सेवा प्रदान गर्दै आइरहेको छ ।