प्रोग्रेसिभ फाइनान्सको नाफा ऋणात्मक

काठमाडौं । प्रोग्रेसिभ फाइनान्सको दोस्रो त्रैमासिक नाफा ऋणात्मक देखिएको छ । फाइनान्सले चालू आर्थिक वर्षको दोस्रो त्रैमासिक अवधिमा १० करोड ५७ लाख ५० हजार आठ सय ९० रुपैयाँ खुद नोक्सानी व्यहोरेको हो । गत आवको सोही अवधिमा फाइनान्सको यस्तो नोक्सानी रकम एक करोड ३० लाख २५ हजार २९ रुपैयाँ रहेको थियो ।

हाल चुक्ता पुँजी ८४ करोड ८१ लाख छ हजार रुपैयाँ रहेको फाइनान्सले चालू आवको दोस्रो त्रैमासमा तीन अर्ब ९९ करोड ७० लाख नौ सय ५० रुपैयाँ निक्षेप संकलन गरी तीन अर्ब ६० करोड २१ लाख २१ हजार एक सय ५६ रुपैयाँ कर्जा प्रवाह गरेको छ । सो अवधिमा चार करोड १७ लाख ६३ हजार पाँच सय ९७ रुपैयाँ खुद ब्याज आम्दानी गरेको फाइनान्समा ११ दशमलव ४५ प्रतिशत कर्जा निष्क्रिय रहेको छ । वितरणयोग्य नाफा ४५ करोड रुपैयाँले ऋणात्मक रहेको फाइनान्सको स्प्रेडदर भने चार दशमलव ५८ प्रतिशत रहेको छ ।

गत आवको सोही अवधिमा भने फाइनान्सले चार अर्ब ९२ करोड ७७ लाख ४२ हजार आठ सय ७६ रुपैयाँ निक्षेप संकलन गरी तीन अर्ब ३२ करोड ४१ लाख ३९ हजार आठ सय ८३ रुपैयाँ कर्जा प्रवाह गरेको थियो । उक्त अवधिमा १० करोड २१ लाख ३० हजार नौ सय सात रुपैयाँ खुद ब्याज आम्दानी गरेको फाइनान्समा चार दशमलव ९१ प्रतिशत कर्जा निष्क्रिय रहेको थियो भने स्प्रेडदर चार दशमलव ५१ प्र्रतिशत रहेको थियो ।