रिलायन्स फाइनान्सको नाफा ऋणात्मक

काठमाडौं । रिलायन्स फाइनान्सले चालू आर्थिक वर्षको दोस्रो त्रैमासिक अवधिमा खुद नोक्सानी व्यहोरेको छ । फाइनान्सले सार्वजनिक गरेको अपरिष्कृत वित्तीय विवरणअनुसार यस अवधिमा पाँच करोड ४७ लाख ६५ हजार रुपैयाँ खुद नोक्सानी व्यहोरेको हो । गत आवको सोही अवधिमा भने फाइनान्सले तीन करोड ८४ लाख ९६ हजार रुपैयाँ खुद नोक्सानी व्यहोरेको थियो ।

चुक्ता पुँजी एक अर्ब १२ करोड १४ लाख ५२ हजार रुपैयाँ रहेको फाइनान्सले चालू आवको दोस्रो त्रैमासमा छ अर्ब ६५ करोड ४३ लाख ८० हजार रुपैयाँ निक्षेप संकलन गरी पाँच अर्ब २२ करोड ५८ लाख ६३ हजार रुपैयाँ कर्जा प्रवाह गरेको छ । सो अवधिमा आठ करोड ५८ लाख पाँच हजार रुपैयाँ खुद ब्याज आम्दानी गरेको फाइनान्समा नौ दशमलव ६७ प्रतिशत कर्जा निष्क्रिय रहेको छ । वितरणयोग्य नाफा ३१ करोड २८ लाख ११ हजार रुपैयाँ फाइनान्सको स्प्रेडदर भने चार दशमलव ५९ प्रतिशत रहेको छ । गत आवको सोही अवधिमा भने फाइनान्सले छ अर्ब ६५ करोड ९८ लाख २८ हजार रुपैयाँ निक्षेप संकलन गरी पाँच अर्ब १९ करोड १५ लाख ८८ हजार रुपैयाँ कर्जा प्रवाह गरेको थियो । उक्त अवधिमा आठ करोड ६५ लाख ६७ हजार रुपैयाँ खुद ब्याज आम्दानी गरेको फाइनान्समा चार दशमलव ८९ प्रतिशत कर्जा खराब रहेको थियो भने स्प्रेडदर चार दशमलव ८९ प्रतिशत रहेको थियो ।