ज्योति क्यापिटल र नगरकोट रिसोर्टबीच सम्झौता

काठमाडौं । ज्योति क्यापिटल लिमिटेड र नगरकोट रिसोर्ट लिमिटेडबीच सहकार्यसम्बन्धी दुई पक्षीय सम्झौता भएको छ । सम्झौतासँगै क्यापिटलले संस्थागत परामर्श सेवा ‘व्यवसायको आरम्भदेखि सम्पन्नतासम्म’ प्रदान गर्ने भएको छ ।

ज्योति क्यापिटलले संस्थागत परामर्श सेवा ‘व्यवसायको आरम्भदेखि सम्पन्नतासम्म’अन्तर्गत कुनै पनि क्षेत्रका कम्पनीलाई कम्पनीको स्थापना कालदेखि सर्वसाधारणलाई सेयर जारी गर्ने चरणसम्म पुर्याउन आवश्यक सम्पूर्ण परामर्श सेवा उपलब्ध गराउने गरेको छ । सोही सेवाअन्तर्गत संस्थागत परामर्श सेवासहित पुँजी संरचना परिवर्तन, प्राइभेट इक्विटीको व्यवस्थालगायतका कार्य गर्न आवश्यक परामर्श दिई भविष्यमा कम्पनीको प्रबन्धपत्रमा व्यवस्था भएबमोजिमका कार्य गर्न सक्ने बनाउन दुई संस्थाबीच सम्झौता भएको हो । सो सम्झौतामा ज्योति क्यापिटलका प्रमुख कार्यकारी अधिकृत विकास ढकाल र नगरकोट रिसोर्टका अध्यक्ष सुरेन्द्र राउत क्षेत्रीले हस्ताक्षर गरेका छन् ।