पाही इन्भेस्टमेन्टको लगानीकर्ता सचेतना कार्यक्रम

काठमाडौं । पाही इन्भेस्टमेन्टले सरस्वतीको पूजाको अवसरमा बुधबार लगानीकर्ता सेयर सचेतना कार्यक्रम गरेको छ । कम्पनीले लगानीकर्तामाझ सेयरबजारको आधारभूत पक्ष, नेपालको सेयरबजार, कम्पनी विश्लेषण, पोर्टफोलियो व्यवस्थापन तथा प्राविधिक विश्लेषण बारेमा जानकारी दिन सो कार्यक्रम आयोजना गरेको जनाएको छ ।

साथै, कार्यक्रममा लगानीकर्तासँग रहेका सेयरबजारसँग सम्बन्धित विभिन्न समस्या तथा तिनको समाधानका विषयमा अन्तक्र्रिया भएको थियो । सो कार्यक्रममा पाही इन्भेस्टमेन्टका अध्यक्ष इन्द्रदेव यादवले सेयरबजार, सम्भावना, चुनौती, डिम्याट, लगानी गर्ने अवसर, पर्खने अवस्थालगायतका विविध विषयमा जानकारी दिए । साथै, उनले सेयरबजार सचेतनाको काम हुनुका साथै सेयरबजारसम्बन्धी सम्पूर्ण प्रक्रिया, ज्ञान र अनुभव कार्यक्रममा सहभागी भएकालाई जानकारी दिइएको उल्लेख गरे । सेयरबजारको विनाज्ञान लगानी गर्दा लगानी डुब्ने खतरा भएकाले आफूले लगानी गर्न चाहेको कम्पनीको बारेमा अध्ययन गरेर मात्र लगानी गर्ने वा नगर्ने निर्णय लिनुपर्ने पाही इन्भेस्टमेन्टका कार्यकारी निर्देशक कमल धितालले बताए ।