स्वस्तिक लघुवित्तको साधारणसभा सम्पन्न

काठमाडौं । स्वस्तिक लघुवित्त वित्तीय संस्थाको पाँचौँ वार्षिक साधारणसभा सम्पन्न भएको छ । सिराहाको लहान स्थित केन्द्रीय कार्यालयमा साधारणसभा सम्पन्न भएको हो ।

साधारणसभाले सञ्चालक समितिको अध्यक्ष सत्यनारायण झाबाट पेस भएको आर्थिक वर्ष २०७९/८० को लेखापरीक्षकको प्रतिवेदनसहित २०८० असार मसान्तको वासलात तथा नाफानोक्सान हिसाब, नगद प्रवाह विवरण, सम्बन्धित अनुसूचीहरू, चालू आर्थिक वर्षका लागि लेखापरीक्षक नियुक्तिसम्बन्धी प्रस्ताव पारित गरेको छ ।

साधारणसभाले संस्थापक सेयरधनी समूहको तर्फबाट सञ्चालक पदमा सत्यनारायण झा, डा प्रमोदकुमार झा, सुधान्सु शेखर झालाई निरन्तरता दिएको छ । त्यस्तै, महिलाबाट सञ्चालकमा हिरा घिमिरे निर्विरोध निर्वाचित भएकी छन् । साधारणसभामा संस्थापक समूहबाट चार जना सञ्चालक नियुक्त गर्ने प्रस्ताव गरिएको थियो ।